ZPM hruaitu ten Lengte-a Raw chinna hmun an tlawh

ZPM chuan Inrinni khan Lengte ram-a Raw \iak khawina nia sawi chu an tlawh thu sawiin, he huan enkawltute chuan he huan hi Chief Minister, Zoramthanga huan a nih thu an lo sawi niin an sawi bawk.
Thudawn danin Inrinni khan Lengte ram-a Raw chi khawina hi ZPM General Secretary 7 te chuan tlawhin, Mizoram sawrkar Flagship Programme hnuaia hmalakna pui ber tur nia Chief Minister in alo sawi tawh \hin, Rua hmanga intodelh tura Mizoram sawrkar hmalak tum dan zirchiang tura helai hmun hi tlawh an nih thu sawiin, an sawi danah tunah hian Raw \iak 4000 vel phun a ni a, phun belhna tura ruahman sa zau tak a awm a, Raw \iak khawina tura ruahman hi a dung meter 300 leh a vang meter 10 vela zau a ni a, Green House puan-a khuh huamchhung ft. 100 bial velah Raw \iak te hi ft. 1 dan zelah phun a ni hlawm a, phun belhna tur hmun awl zau tak, thlawhfai sa, Ar-ek a siam lei\ha phul tawh a awm bawk niin an sawi.
Hei bakah hian ZPM hruaitute chuan helai huan enkawltute hian July thla khan Raw \iak hi 3000 a thlen thu an sawi tih pawh sawiin, August thla ah 10,000 a rawn thlen belh thu pawh an sawi tih an sawi a. An pu ten an hrilh dan chuan heng Raw \iak te hi South India a\anga rawn kal a ni. Zawhna chhangin huan enkawltute chuan helai hmuna thil awmdan en hian Chief Minister, Zoramthanga chu zingkar-ah a khat tawkin a kal \hin a, a fapa in a tlawh \hin bawk a, helai hmuna hmalakna mawhphurtu deuh ber chu Ropuia niin an sawi bawk. Sawrkar lam mi emaw, Department lama mithiam emaw in an tlawh tawh em tih zawhna chu chutiang mi an la hmuh loh thu in an chhang thung.
Raw chi chinpunna hmun tlawhtu ZPM hruaitute chuan thil awmdan an hmuh a\angin Mizoram sawrkar Flagship Programme tih hlawhtlin bul\anna atan Chief Minister chuan Raw \iak supply hna ah hmahruai a tum nia an ngaih thu an sawi bawk.

Comments

Popular posts from this blog

PAN CARD an tih teh fo hi - Laldinpuia