Cement man tisang hriattir turin ngen

Serchhip-a Legal Metrology Department leh Serchhip District Consumers Association te chuan Inrinni khan Serchhip-a Cement zawrhna Dawr te tlawhkualin, tunhnaia leimin avanga Cement rawn thleng mumal theilo ah a thleng chhun te man to zawka hralh a nih lohna turin hma an la a.

Cement a lo thlen hunah pawh mipui a mamawhte hnena a rualkhai thei anga semrual tur leh mamawh luat avanga a rate aia to a lei ngam an awm anih pawhin chumi avanga a man tihsan phah lo turin Cement zuartute chu an ngen a. Kawng chhia chhuanlam ah hmanga Cement man tisang an awm a nih chuan an hnena hriattir turin mipuite an ngen bawk.

Consumers Association chuan tunlai hian Serchhip-a Retailer \henkhatin Buhfai an semna ah an bial chhung mipuite chu an duh dan dana hun bituk siamsakin Buhfai lak hun an siamsak \hin ni a hriat a ni tih sawiin, hei hi mipui rahbeh tumna ah an ngaih thu an sawi a. Food Security Act hnuaiah hian Retailer te chu thla khat chhung an inhawng tur a nih thu leh mipui ten an Ration Buhfai an lak theih nan dan in a phut anga thla khat chhung inhawng turin Retailer te chu an ngen bawk.