MPC Block \hiat lo tih sawi

MPC party General Hqrs. hruaitute chuan Serchhip MPC Block chu \hiah a nih loh thu an sawi.

Nimin-a Aizawl Press Club-a thuthar thehdarhtute an kawmna hunah hian MPC Spokes Person, V. Lal\hazuala chuan Serchhip MPC Block President leh Secretary ten August 5, 2019-a thuchhuah an siamah Serchhip MPC Block \hiah a nih thu leh MPC Party a bo a bang awm lova ZPM-ah an inchhunluh vek thu an puanchhuah chu thu belhchian dawllo a ni tih MPC Gen. Hqrs. General Seretary 2, Lalramthara leh VL. |hazova te Serchhip leh Thenzawl-ah kalin an finfiah tih a sawi a. Block \hiah theihna thuneihna chu MPC Party Constitution Article XVIII-in a sawi angin, Block Committee thuneihna a nih loh avangin Serchhip MPC Block hi \hiah ni lovin, Block hruaitu \henkhat ten MPC Party chhuah-sanin ZPM Party an zawm mai a ni tih a sawi a, MPC te a bo a bang awm lova ZPM Party zawm ta anga an sawi pawh thu dik tluantling lo a ni tih sawiin, Zoram hmun hrang hranga MPC Party mite lo chiai lo turin an inhriattir bawk.

MPC hruaitute chuan ZPM Independent MLA te chuan a huhova \angruala inthlan an hma-chhawn avangin Speaker in Assembly-ah ZPM Legislator angin a huhova \hutna a lo siam sak tih pawh sawiin, tunah erawh chuan ECI-ah Political Party thar, ZPM Party invuaha register a lo nih tak thu leh he Party thar hi July 3, 2019-ah register chauh niin, Election an la hmachhawn loh avangin ZPM Party hian MLA a la nei lo tih an sawi a. Hmana ZPM leh tuna ZPM Political Party thar hi thil hrang hlak an nih laia thu hmun anga la sawi fo chu mipuite bum tumna niin an sawi.

MPC Party chuan Party sawrkar, mahni party chauh induhsak bikna ni lo, mi zawng zawng lenna tur mipui sawrkar din duhin |angrual Pawl, ZPM an din tih pawh sawiin, Zoram siam\hatna tura Party leh Pawl \hiat kher lova mi zawng zawng len theihna huang an siam tawh chu ti hlawhtling turin hma an la zel dawn tih an sawi bawk.