MNF MP Candidate in Serchhip a rawn tlawh

CAB dodal zawngin vote ka thlak dawn - C. Lalrosanga


Lok Sabha MP thlanna neih tura MNF Official Candidate, C. Lalrosanga chuan nimin khan Serchhip a rawn tlawh a. Thuthar thehdarhtute kawmin tawn hriat tam tak a neih te chu MP hna thawhna atan a \angkai a beisei thu a sawi a. MP atan thlantlin a nih chuan Citizenship Amendment Bill dodal zawnga Vote a thlak tur thu a sawi bawk.

Nimin a Jemela Hotel, Serchhip Bazar-a thuthar thehdarhtute a kawmna hunah hian MNF MP Candidate, C. Lalrosanga chuan India ram zau zawkah tawnhriat neia hna alo thawh thawh thu sawiin, Parliament-a Committee-ah pawh Official a nihna anga Member alo nih tawh thu leh MP te nen pawh Programme tam tak an lo neih tawh thu a sawi a, heng ah te hian MP te pawimawhna a lo hriat tawh thu leh Information & Broadcasting Ministry hnuaia thawk a nih avangin Ministry dang te nen pawh thawhhona tam tak neia an lo indawr \hin thu a sawi a. Heng tawn hriat hrang hrang a lo neih tawh te hi MP hna thawhna tur atan \angkai tak a nih a beisei thu sawiin, hei vang hian MNF Party in Candidate tura an sawm hnuah Mizoram sawrkar leh Mizoram mipui aiawh tura inpek chu a duh thu a sawi a. Mizoram sawrkar thar duh ang leh an lungrualpui theih, \hahnem ngaih pui thei tur nia a inhriat avanga he inthlanna ah hian ding a nih thu a sawi bawk.
C. Lalrosanga chuan MP atana thlantlin a nih chuan a ngaih pawimawh turte pawh sawiin, inkalpawhna chungchangah kawngpui \halo tam tak ala awm bakah Rel-a inkalpawhna alo awm hunah pawh kan Hnam humhalh tura hmalak a \ul thu a sawi a. Inbiakpawhna kan la nei chhe hle nia sawiin, hemi kawngah pawh hian hmalak \ula a hriat thu a sawi a, hei bakah hian thlawhna hmanga inkalpawhna ah Mizoram-ah Thlawhna service pakhat chiah ala awm thu sawiin, kan Airport kan enkawl dan chhe lutuk chu zahpuiawm a tih thu sawiin, hmalak \ul a tih thu a sawi bawk.
Thuthar thehdarhtute zawhna chhangin Mizoram tana \halo turah chuan NDA thlawp an tumlo tih sawiin, CAB chungchangah MNF party chuan he Bill hi a do thu Parliament-ah he Bill dodal zawnga Vote a thlak tur thu a sawi a. MP inthlanpui neih turah a tlin ngei a rin thu pawh sawiin, MNF Official Candidate tura an sawmna chu Pathian remruatna ni ngeia a hriat thu a sawi a. Infiamna tih hmasawnna tur kawngah pawh kawng hrang hranga hma a lo lak ve tawh thu sawiin, Wake up Ministry kaltlanga hma a lo lak ve tawh hnuah Politics-ah amah chu a tel ve ngai nia a in hriat avanga Politics-a zuanglut a nih thu leh sawisel pawh huama hetianga lut ta a nih thu a sawi bawk.

Comments

Popular posts from this blog

PAN CARD an tih teh fo hi - Laldinpuia