Maxi Cab neitu ten Assembly neiin hruaitu thlang

/
Mizoram Maxi Cab Owners Association (MMCOA) Sub-Hqrs. Serchhip chuan nimin khan Assembly neiin hruaitu thar thlanna an nei.
Mizoram Maxi Cab Owners Association (MMCOA) Sub-Hqrs. Serchhip Assembly Zoluti Hall, Ser-chhip Vengchung-a neih hi an President, H. Lallawmzuala chuan kaihruaiin report hrang hrang ngaihthlak a nih bakah an President, H. Lallawmzuala chuan member te fuihna thu sawiin, Maxi Cab neitu leh khalhtute chu lungrual taka an kal zel a pawimawh thu a sawi bawk.
Chawhnu lamah ZDU Sub-Hqrs. Ser-chhip kaihhruaina hnuaiah hruaitu thlanna neih nghal a ni a, President-ah H. Lalmuanawma, AOC Veng Vice President-ah C. Hmangaihzuala, Bazar Veng, Secretary-ah Zoramthara, Hmar Veng Asst. Secretary-ah PC. Lalromawia, Medical Complex, Treasurer-ah TC. Lalnunpuia, Chanmari Veng leh Fin. Secretary-ah PC. Lal-chungnunga, Vengchung te thlan an ni. Mizoram Maxi Cab Owners Association (MMCOA) Sub-Hqrs. Serchhip-ah hian member 75 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »