Chhunzawm rihlo turin ti

Serchhip Sub-Hqrs. YMA Kumpuan Committee chuan New Serchhip North VC ten hnam-dang (Non-Tribal) hnena In hmun an pe chu dan kalh nia hriain, In hmun neitu ten In sak an tum chu hna lo chawlhsan turin an hriattir.

Thudawn danin tunhnai khan New Serchhip North Village Council chuan an huamchhunga chhungkaw pakhat chu Khawtetlang-ah In hmun an pe a, he In hmun an pek hi an nu Mizo leh a pasal hnam-dang (Non-Tribal) a ni a, YMA hruaitute chuan Dan a\anga a lan danin Mizoram-ah hnamdang (Non-Tribal) in In hmun neih hi a rem loh avang leh Mizo hmeichhia in pasal atana hnamdang (Non-Tribal) a nei a nih chuan amah pawh Tribal ni tawh lova Non-Tribal a nih tawh avangin hetianga In hmun pek leh an neih hi a remlo tih sawiin, hetiang a nih avang hian Inrinni zing khan he In hmun pek leh a sak hna thawh an tumna hmun hi Serchhip Sub-Hqrs. YMA hruaitute leh Kumpuan Committee hruaitute chuan tlawhin an enfiah ta a ni.

YMA hruaitute chuan hemi chungchang ah hian a \ul anga thuneitute hnena hmalak an tum thu sawiin, hei vang hian thu leh awm hma chuan hna hi lo chhunzawm tawhlo turin an hriattir a, hemi hnu hian Serchhip District Bawrhsap pawh hemi chungchang hi an sawipui nghal a. Khaw-tlang hruaitu, VC leh YMA hruaitute chuan hetiang Dan te hi hriain a takin kenkawh a pawimawh thu YMA hruaitute chuan an sawi bawk.