Mizoram CM in CAB chungchang PM hnena a thlen nia sawi hian awmzia a nei lo - Ronald Sapa Tlau

Mizoram Rajya Sabha MP, Ronald Sapa Tlau chuan Parliament \hutkhawm hnuhnung ber neih zawh taka thu ngaihtuah tura chhawpchhuah zinga CAB-2016 telh a ni chuan Mizoram Chief Minister in he Bill an dodal thu Prime Minister hnena a thlen in awmzia a neihloh zia a tilang tih a sawi.

Nimin-a Jemela Hotel, Serchhip-a thuthar thehdarhtute a kawmna hunah Mizoram Rajya Sabha MP, Ronald Sapa Tlau chuan India in Citizenship Act 1955 a neih chu kum 2016-ah sawrkar in siam\hat a duh avangin India rama Lok Sabha-ah pass a nih thu leh Lok Sabha-ah hian Congress in member zanga chuang awmah 44 chauh a nih avangin tih theih an neihloh thu a sawi a. Amaherawh chu Rajya Sabha-ah chuan pharh a nih lohna turin Party dang te nen \angruala theihtawp an lo chhuah thu sawiin, Party hrang hrang, NESO, YMA, MKHC leh pawl dang ten dodala hma an lakna azarah putluh a ni ta lo tih a sawi a. He Bill putluh ni ta lo hi mimal hmalakna vang nia a hriat loh thu pawh sawiin, he Bill pharh lo tura tih a nih hnuah MNF ten lawmthu sawina te neia Prime Minister leh Union Home Minister te hnena an thlen avanga pharh ta lo-a ngaih theih lek leka an sawi chu thil tih awmlo tak a nih thu a sawi a. He Bill hi Mizoram sawrkar thar-a Council of Minister in an dodal thu te sawiin, Prime Minister leh Union Home Minister hnenah an duhloh thu te thlen mah se Parliament Session hnuhnung bera Bill ngaihtuah tur zinga telh a ni tho chuan an thu thlen in ngaih pawimawh a hlawh loh zia a tilang nia a hriat thu a sawi a, Mizoram Chief Minister in Prime Minister hnena hemi chungchang a thlenna ah hian Prime Minister in a chhanna hriat tur a awm miahloh thu a sawi bawk a. Chakma te chuan Mizoram-ah chiah ‘Ka ram’ tih theih tur an neih thu sawiin, CAB hi pass a nih chuan Bangladesh a\anga Chakma tam tak rawn luhna hun remchang a awm theih dawn thu leh heng mite hi kum 6 chhung Mizoram-ah an awm chuan khua leh tui nihna pek theih an nih dawn avangin kan inthlanpui result pawh reilote ah a danglam theih dawn thu a sawi bawk.
Rajya Sabha MP, Ronald Sapa Tlau chuan MLA inthlanpui neih zawh takah Ser-chhip bial an chaklohna chu an pawm thu sawiin, Serchhip bial mipuite chuan an \hata chawi-sangin an \hatloh chuan an sawpchhe leh mai tih a sawi a. Hetianga nasa taka an tlak avang hian MP (LS) inthlanpui lo awm turah pawh mahni ngawta kal chu himlo nia an hriat avang leh ZPM te an lo in phahhniam ve avangin an thawkho ta tih a sawi.
Ronald Sapa Tlau chuan Mizoram hun kal tawha MP inthlan thlirletin Hnam issue a awm loha MLA inthlanpui neih zawh hnua MP inthlanpui ah Ruling an chak mai \hin thu leh Hnam issue awmna ah erawh chuan eptu pawl te an chak chang a awm \hin tih sawiin, tunah hian CAB avangin Hnam issue lian tak a awm thu leh tuna inbeihna chu CAB-16 a nih thu a sawi a. Hetiang kara MP inthlanpui neih tura Mipui Candidate atana Lalnghinglova Hmar thlanchhuah a nih chu lawmawm a tih thu leh kum lamah pawh la nau-pang leh viak \ha, belhchian dawl a nih thu sawiin, MP chhuanawm tak ni thei tura leh mipuite ti beidawng lo tur nia a ngaih thu a sawi a. Mipuite kan ram dinhmun hre renga Mipui Candidate hi Vote \heuh turin a sawm bawk.
Thuthar thehdarhtute zawhna chhangin Ronald Sapa Tlau chuan tunhnaia MNF Party mi \henkhat ten CAB chungchang sawihona Guwahati-a neiha Party dang aiawh kal loh chhan chu an duhloh vang ni lovin NEDA-a tel te inhmuhkhawmna a nih avanga tello an nih thu leh sawmna an hmuh loh thu an sawi a. Lok Sabha Inthlanpui neih turah India rampum ah Congress Party chu party mala sawrkar siam thei tura beisei la ni phaklo mah se tunhnaia State \hen-khat inthlan boruak thlirin Congress leh a thawhpui, UPA chu sawrkar-na siam thei dinhmuna ding ah an ngaih thu a sawi bawk.

Comments

Chhiar Hlawhte