BBBP bultumin Hockey Exhibition match khelh a ni

/
Beti Bachao Beti Padhao (BBBP) Serchhip District hmalakna in nimin khan East Lungdar Playground-ah Hockey Exhibition Match cum Talent Search neih a ni.
Khawlalung-a Hockey Exhibition Match cum Talent Search neih a nih hnuah nimin khan hetiang hun hi East Lungdar Playground-ah hman leh niin he hunah hian Then-zawl Hockey Academy-a Coach, Lalrampari chuan he programme hian rah \ha chhuah ngei se a duh thu a sawi a, E. Lungdar Games & Sport hruaitute leh khawtlang hruaitute pawhin theih-tawp lo chhuah chhunzawm se, Mizoram mai nilovin India ram aiawha khel thei hial tura thawhho pui ah a sawm a. Tuna Thenzawl Hockey Academy-a zirlai zingah India Junior Team-a tel mek an awm thu sawiin, mumal taka Hockey zir duh an awm chuan Thenzawl-ah lo kal sela theihtawpa an lo puih tur thu a sawi bawk.
He hun hi East Lungdar Games & Sports Association President, B. Zoramthara chuan a kaihruai a, East Lungdar VCP, H. Lal\ana chuan hetiang hun \ha tak buatsaih a ni chu lawmawm a tih thu leh bul \an tur chauh an la ni a, theihtawp chhuaha \an lak a, a hlawhtlinna hmuh ngei theih a beisei thu a sawi bawk. He hunah hian VL. Remruatpuii, District Programme Co-ordinator, BBBP Serchhip chuan E. Lungdar Games & Sports hruaitute hnenah Hockey Stick 13 leh Ball 6 a hlan nghal bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »