Serchhip-a Mizo Infiamna Kutpui neih ah Chhekhnai Branch YMA an chungnung ber

Ni hnih (2) chhung awh Serchhip-a Mizo Infiamna Kutpui neih chu Inrinni khan zawhfel niin Chhekhnai Branch YMA chu a pumpui-ah pakhatna an ni.

Serchhip Sub-Hqrs. YMA leh Mizoram Indigenous Games Association \angkawp in an buatsaih Serchhip P&E Veng Leisekawt Mual-a Mizo Infiamna Kutpui, Mizo Indigenous Games-ah hian Serchhip Town chhunga YMA Branch hrang hrangte telin Inrinni tlai khan zawhfel a ni a. Infiamna chi 9-a inelna neih a nih hnuah a pumpui-ah Chhekhnai Branch YMA chu pakhatna niin lawmman ah Trophy leh Rs. 5000/- an dawng a, Saron Branch YMA chu pahnihna niin lawmman ah Trophy leh Rs. 3000/- an dawng bawk.

Mizo Indigenous Games-ah hian infiamna chi 9-ah inelna neih a ni a, YMA Chhang Hmeichhia tana Zawnga Leilawn dim dim-a inelna ah Chhiahtlang Zotuithiang Branch chu pakhatna niin Vengchung Branch pahnihna an ni a, Hmar Veng Branch pathumna an ni bawk. YMA Chhang Mipa inelna, Sakuh uiluh-ah Chhekhnai Branch pakhatna niin Chanmari Branch pahnihna an ni a, Chhiahtlang Zotuithiang Branch chu pathumna an ni bawk a. YMA tana Kalchhet inkalsiak-ah Chanmari Branch chu pakhatna niin Saron Branch leh Vengchung Branch ten an dawt a, Kanchhuk a\anga invuakthlak-ah Saron Branch chu pakhatna niin New Serchhip Bazar Branch leh Vengchung Branch ten an dawt bawk.

Arpa thai, in ke pir-ah Saron Branch chu pakhatna niin Chhekhnai Branch chu pahnihna an ni a, New Serchhip Bazar Branch chu pathumna an ni a, Ketaminu tlan-ah Field Veng Branch chu pakhatna niin Vengchung Branch leh Chhekhnai Branch ten an dawt a, Insuknawr-ah Chhekhnai Branch chu pakhatna niin Serchhip Kawnpui South Branch pahnihna an ni a, Chhiahtlang Zotuithiang Branch chu pathumna an ni bawk. Team inelna a pakhatna te hian lawmman ah Rs. 3000/- dawngin pahnihna in Rs. 2000/- leh pathumna in Rs. 1000/- an dawng \heuh a ni.

Mimal inelna ah Insaihruipawh ah Malsawmkima, Vengchung Branch chu pakhatna niin B. Lalrinchhana, Serchhip Kawnpui South Branch chu pahnihna leh Lalramngaihzuala, Serchhip Hmar Veng Branch chu pathumna an ni a. Kawi inksah siak-ah Lianchhingpuii, Chhiahtlang Zotuithiang Branch chu pakhatna niin Lalthlamuanpuii, Chhekhnai Branch chu pahnihna a ni a, H. Lalfakawmi, New Serchhip Bazar chu pathumna a ni bawk.