'Kan Kristianna leh Sakhaw dodal zawnga che chu a tawp thlengin kan do ang' - Dr. Thangtea

MNF Vice President, Dr. R. Lalthangliana chuan MNF in ‘Kan Constitution-ah leh SEDP-ah kan Kristianna leh sakhaw dodal zawnga che chu a tawp thlengin kan dodal ang’ an ti tih a sawi.

South Tuipui bialtu ni bawk Dr. R. Lalthangliana hian nimin khan a bial chhunga Tarpho leh Khawhri bakah Thingsai khua tlawhin amah lo hmuaktu mipuite hmaah MNF in MP atana an candidate, C. Lalrosanga chu a hna lo thawh tawhna avangin Parliament-ah pawh tawn hriat nei \ha a nih thu sawiin, Vote \heuh turin a ngen a. Mizoram-a MNF sawrkar chuan thla thum (3) chauh chhungin hna tam tak an thawk hman tih sawiin, hei vang hian an khingpui te pawhin Citizenship Amendment Bill (CAB) leh NEDA/NDA tih vel bak beihna tur an hrelo tih a sawi a. CAB chu an party (MNF) tluka do leh bei nasa Mizoram-ah Party dang an awmlo nia sawiin, “Kan Chief Minister pawhin hemi chungchang ah Mizoramin kan duhloh thu Prime Minister leh Home Minister pawh hmuin a sawi pui tawh a. An titlang lui anih chuan NEDA/NDA a\anga kan thlawpna kan inhnuhdawh mai tur thu hrilhin a vau tawh nghe nghe a ni. Hmarchhak CM-ah Pu Zoramthanga hi CAB duhlohna lantir nasa bertu a ni. Council of Ministers meeting pawhin he dan dodalna turin 'The Mizoram Maintainance of Household Register' kan pass nghe nghe a ni,” a ti bawk.

Dr. R. Lalthangliana chuan Congress-in India ramah kum 40 vel ro a rel chhung khan hmasawnna a awm lo tih sawiin, chuvangin Congress duhlo lam zawng intelkhawm kha, Central-ah chuan NDA an in vuah a, North East State-ah pawh NEDA (North East Democratic Allianze) an intelkhawm tih a sawi a. ZNP, MPC, MDF leh anni ngei pawh Congress duhloh avangin an tel vek tih sawiin, “Party President \heuh ten hming an sign nghe nghe a. Kha mi hnu khan tu party mah an la inhnukdawk lo. A dik tak chuan ZPM/ZNP leh tuna an sangawi zawnpui Congress-te hi BJP thawhpuitu zawk chu an ni. CADC inthlanah Congress-in BJP thawhpuiin sawrkarna an siam a. Aizawl North-III MLA By-Election leh AMC-ah khan Pu Duhoma hian BJP a thawhpui bawk anih kha. Eng inthlanah mah MNF hian BJP a la thawpui lo tih hre chiangtu chu Mizo mipui kan ni. MNF hi BJP ta em em bik anga min puhna hi thudiklo a ni,” tiin “MNF chu kan Constitution-ah leh SEDP-ah kan kristianna leh sakhaw dodal zawnga che chu a tawp thlengin kan dodal ang kan ti,” a ti bawk.