MNF Party chuan Lok Sabha inthlanpui leh Aizawl West-I bial-a by-election neih tura campaign kick-off chu nimin Aizawl Vanapa Hall-ah an buatsaih.
Nimin a MNF Canpaign hawnna hunah hian MP inthlanpui neih tura MNF Candidate, C. Lalrosanga chuan Politics kal dik nan leh ram an vei zia lantir nan thu an lo sawi ve tawh \hin tih sawiin, “A him chin a\anga thlir mai lovin penchhuah ve ka lo hnial lo ve ta a ni. Kan sawi loh pui pui sawitirte kan han tawng chho ve ta a, ram tana kan penchhuahna kawnga kan tawrh ve turah ka ngai. Lal Isua avanga MP danglam nih ka tum a ni,” a ti.
MNF MP candidate chuan, “Mipuiten Sawrkar thar \ha kan dil a, kan \awng\ai a, he MNF sawrkar hi a lo piang ta a. Sawrkar a din tirh phat a\anga an hmalak dan a ropui em em a. He sawrkar hi tun anga chak taka a kal zel chuan Mizoram hian nasa takin hma a sawn dawn tih a chiang. Tun anga a kal a nih hi chuan term dang pawh Lalpa'n a pe leh ang. He sawrkar thar chak tak tan hian Delhi lama thlawptu ruling MP neih chu duhthusam a ni ang,” a ti a. “Citizenship Amendment Bill do tur te, ramri humhalh tur te leh Kristian tihduhdah tuarte \anpui turin theihtawpa ke pen ka tum a. Zofate insuihkhawm lehna veitu ka nih angin theihtawpa hmalak ka tum a ni,” a ti a. Mipuite vote thlak \heuh tura sawmin mipuite khawngaih vote a dil bawk.
He hunah hian Aizawl West-I biala by-election neih tura MNF Candidate, Zothantluanga pawhin Lalduhoma'n Aizawl West-I bial a chhuah-san chungchang sawiin, “Serchhip bial chu CM bial hlun a ni a, chei vak ngai tawh lo ah ngaiin a thlang ta niin a lang a. A veng bial chu kum 10 opposition bial lo ni tawh a nih avangin ruling MLA thar enkawl turin min kian ta niin ka hria,” a ti bawk.
Comments
Post a Comment