Hmeichhia leh Hmeichhe naupang te venhimna beihpui thlakna, Beti Bachao Beti Padhao (BBBP) Serchhip District hmalakna kal zelah nimin khan Khawlailung playground-ah Hockey Exhibition Match cum Skill show talent search neih a ni.
Khawlailung-a Hmeichhe naupang, Hockey lama talent nei \hate zawnchhuahna programme ah hian Thenzawl Hockey Academy-a Coach, Lalrampari chuan Serchhip District chhungah Hockey zirna \ha tak mai a awm laiin, zirlai tam zawk chu District dang a\anga lut an ni tih a sawi a. Academy awmna District naupangten an hmang \angkai tawk lo tih sawiin, Khawlailung a\ang pawhin Hockey zirna School-ah a tam thei ang ber luh tum turin a sawm nghal bawk.
He hunah hian V. Lalruatsangi, Women Welfare Officer, BBBP Serchhip chuan Khawlailung Games & Sports hruaitute hnenah hian Hockey Stick 13 leh Ball 4 a hlan nghal bawk.
Beti Bachao Beti Padhao (BBBP) Scheme hi Ministry of Women and Child Develoment hmalakna niin a scheme in a tum ber chu hmeichhe naupangte venhim leh zirna lama chher puitlin a ni a. India ram chhung District hrang hrangah kalpui niin Serchhip District-ah pawh tunah hian kalpui mek a ni a. Hmalakna tam tak zinga pakhat, Hockey lamah hmeichhe naupangte theihna zawnchhuah runpui chu tunah hian neih mek a ni. Khawlailung bakah hian E. Lungdar-ah te, Lungpho-ah te pawh he programme hi kalpui zui zel tur a ni ang.
Comments
Post a Comment