Mahni hna felfai taka hlenchhuak turin chah

Rural Development Minister, Lalruatkima chuan sawrkar hnathawk te chu an hna reng reng felfai taka hlenchhuak \hin tur an nih thu a sawi.
All Mizoram DRDA Employees Association (AMDEA) General Body Meeting vawi 3-na nimin a Agriculture Conference Hall-a neih a hmanpuina ah he thu hi sawiin RD Minister chuan sawrkar hnathawkte inelna tur chu 'Tunge hnathawk \ha ber?' tih ah a nih thu sawiin, “A hming mai maia thawk tur kan ni lo, kan hnathawh reng reng felfai takin kan hlenchhuak \hin tur a ni,” a ti a. Chak zawk leh hlawk zawka hnathawh theihna a nih dawn chuan Rural Development (RD) Department hna kalphung pawh her danglam theih a ni tih sawiin, “Sawrkar laipui a\anga sum lo lut hi \angkai thei ang bera hman kan inzirtir a ngai a ni,” a ti a. DRDA hnathawkte chu thingtlanga miharsa zawkte enkawltu an nih thu sawiin, mipui tana thawk an ni tih an hriat reng a pawimawh thu a sawi bawk. AMDEA hi August 2016 khan din niin AMDEA-ah hian member 117 vel an awm mek a, nimia General Body Meeting an neih hi an Vice President, David Zodingliana chuan a kaihruai a ni.

Comments

Popular posts from this blog

PAN CARD an tih teh fo hi - Laldinpuia