Serchhip-ah District Youth Convention neiin \halaite hmasawnna tur hrang hrang zirho a ni

Nehru Yuva Kendra (NYK) Serchhip leh MZP Hqrs. Serchhip buatsaihin nimin khan Serchhip-ah District Youth Convention neih a ni a, he hunah hian \halai ten kawng hrang hranga hma an sawn theihna tura inzirtina neiin mithiam hrang hrangte Paper buatsaih chu zirho a ni.

Govt. Serchhip College HD Rosanga Multipurpose Hall-a District Youth Convention hi MZP Hqrs. Serchhip Vice President, R. Lalmalsawma chuan kaihruaiin MZP Hqrs. Serchhip Secretary, Laltlanmawia chuan he hun an hman chhan leh an hmalakna hrang hrang a tarlang a. Hemi hnu hian Lalremruata, Programme Coordinator, NYK Serchhip chuan he hun buatsaih a nih chhan te tarlangin, District Youth Convention chuan \halai kum 15-29 te tan bik a hrana hun buatsaiha an mamawh ang hriatna leh thiamna pek leh zirtir chu a tum bulpui a nih thu a sawi a. Hei bakah hian \halai ten hma an sawn zel theihna tura an mamawh leh rawtna an neih te pawh zirho theih tura ruahman a nih thu sawiin, \halaite chu khawtlang leh ram tana mi \angkai an nih theihna tura mahni inpekna nasa lehzual nei tura fuih chu he Convention in a tum te a nih thu a sawi bawk.
NYK Programme Coordinator chuan India rama mipui za zela 50 te chu kum 25 hnuailam an nih thu pawh sawiin, Mizote zingah \halai kan tih, kum 35 hnuailam chu za zela 35 kan nih thu a sawi a, chung \halaite chuan India ram timawiin thlamuan mah se kaihruaitu leh anmahni thil thlir dan leh an mamawh tak sawichhuahna hun an neih tam tawk loh avangin hma an sawn tur angin an sawn theilo niin a sawi a. Chung kawng hrang hrang sukiang tur leh kawng dik zawk an zawh theih nan chuan NYK chuan kumtin Youth Convention chu a buatsaih \hin thu a sawi bawk.
Nimin a Serchhip District Youth Convention-ah hian mithiam hrang hrang pali (4) ten thupui hrang hrang hmangin he huna kalkhawm zirlaite chu zirtirna an pe a, heng zingah hian Education System leh \halaite chungchang te, hmeichhe naupangte venhima zirna pek chungchang te, \halaite leh infiamna chungchang leh sawrkar laipui ruahmanna anga Prime Minister in Bank kaltlanga rua-hmanna hrang hrang a siam te a ni a, zawhna leh chhanna bakah sawihona hun hman zui a ni bawk.
Nehru Yuka Kendra (NYK) Sangathan hi sawrkar laipui-a Ministry of Youth Affairs & Sports hnuaia India \halaite hmasawnna leh tihchakna atana din leh duan a ni a. Kum 1972 khan din niin \halaite tan kawng hrang hrangah hma a la \hin a, State tinah State Office neiin District 623-ah hna an thawk mek a, tunah hian NYK hnuaiah hian Youth Club nuai thum chuang a awm mek a ni.

Comments

Popular posts from this blog

PAN CARD an tih teh fo hi - Laldinpuia