Supply Minister in a bial-a khaw pathum te a tlawh

Kolasib bialtu MLA leh Supply Minister ni bawk, K. Lalrinliana chuan nimin khan a bial chhunga khaw pathum- Pangbalkawn, Meidum leh Bairabi khua te tlawhin an mamawh leh an harsatna te a enpui a. Heng khaw pathum a Angan-wadi Centre, Sub-Centre, Primary Health Centre, Hall sak mek leh Meidum khawtlang hman tur tuizem lian siam mek te enin Pangbalkawn-a Anganwadi Centre pakhat chu hmanhmawh taka thawm\hat ngai lai thawm\hat nan sum fai a pe nghal bawk.

Hei bakah hian Kolasib bialtu MLA chuan Bairabi-a Police Quarters chei\hat ngai te pawh tlawhin, tuilian in a chim \hin Bairabi khaw chhung venhimna tur Wall Structure siam nan Central Sawrkar ah hma an lak mek thu a sawi bawk.

Supply Minister hian Zophai Border Outpost (BOP) pawh tlawhin Quarters luah \hat ngamloh te siam\hat dan tur an sawiho bawk a. Minister chuan Ram leh Hnam tana BOP-a duty sipai te inpekna chu mipui ten an ngaihlu tih sawiin, duty te chuan hreawm ah la lovin ram venhimna kawngah theihtawp chhuah chhunzawm zel turin a chah a, Sawrkar pawhin a ngai pawimawh em em tih sawiin, BOP panna kawng chu siam\ha tura hmalak mek a nih thu a sawi a, BOP thawm \hat nan Sawrkar in hma a lak zel tur thu pawh a sawi bawk.