Voter Awareness Forum Nodal Officer te tan an hnathawh dan tur inhrilhhriatna neih a ni

Mizoram chhung hmun hrang hranga Voter Awareness Forum Nodal Officer te tan nimin khan Aizawl-ah training neih a ni a, he hun hi Mizoram Chief Electoral Officer, Ashish Kundra, IAS chuan hmanpuiin an hmalakna tur hrang hrang hrilhfiah an ni.

Chief Electoral Officer’s Office, Mizoram buatsaih 'State Level Workshop and Sensitization on Voter Awareness Forum (VAF), VVIP & SVEEP' hi NLUP Conference Hall-ah neih niin he hunah hian Mizoram CEO, Ashish Kundra chuan Nodal Officer kalkhawmte chu an mawhphurhna \heuh te \ha taka hlenchhuah tum turin a chah a, Election Commission of India in dan leh ruahmanna thar engemaw zat a siam thu sawiin, heng te hi kan hriat bel a ngai a ni, a ti a. Voter Awareness Forum chu Sawrkar Department hrang hrang bakah NGO leh Corporates-ah te pawh din tur a ni tih sawiin, he Forum kaltlang hian inthlanna a vote thlak a pawimawhzia leh inthlan kaihhnawih thil pawimawh chi hrang hrang inzirtir tur anih avangin inthlanna a vote tla pawh nasa takin a pun phah beisei a nih thu a sawi a. Hei bakah hian Electoral Roll a thun thar te, abik takin a vawikhatna atana vote thlak tur te ngaihpawimawh a vote an thlak theih ngei nan anmahni pawh fuih an pawimawh thu a sawi a. Election Commission of India chuan Universal Helpline number 1950 (Toll free) a siam thu leh he number ah hian inthlan leh a kaihhnawih chungchangte a zawh theih bakah hriatchian duh leh sawisel (complaint) duh nei tan engtiklaipawhin biak theih anih thu a sawi bawk.

CEO chuan Nomination withdraw theih ni hnuhnung ber, March ni 28, 2019 thleng Electoral Roll a lut duh tan a dil theih a ni tih pawh sawiin, anmahni bialtu BLO kaltlanga a tih theih bakah 'Voter Helpline' Android Mobile Application kaltlangin a tih theih tih a sawi a, he Mobile Application hi Google Playstore a\ang download theih niin hemi kaltlang hian voter ten Electoral Roll-a an chuan leh chuan loh te an en thei a, address thlak pawh he Mobile Apps hmang hian a dil theih a ni. Hei bakah hian Google Playstore a\ang bawkin c-VIGIL application a download theih a, hei hi Model Code of Conduct bawhchhiatna thleng \hinte mipui mimir in an complaint zung zung theihna tura ruahman niin hemi kaltlang hian thlalak nen complaint a register theih a, chu complaint chu District Control Room-ah thawnin rang taka bawhzui tur a nih thu a sawi bawk.

He hunah hian Joint CEO, H. Lianzela chuan Sawrkar hnathawk te zingah vote a tlak \hat chu Election Commission of india in a ngai pawimawh em em tih sawiin, hemi atana hmalakna chikhat atan Voter Awareness Forum pawh hi duan a nih thu a sawi bawk.