RK. Lianzuala vuiliam a ni

Hun rei tak chhung All India Radio (AIR) Aizawl-a News Editor hna lo thawk tawh, RK. Lianzuala chu Inrinni chawhma dar 11:15 khan chaw kawng Cancer vangin Aizawla Ebenezer Hospital-ah a boral a, nimin khan vuiliam nghal a ni.

Kum 53-a upa RK. Lianzuala hi Sawi-chhunga (L) leh Lianmawii te fa pasarih zinga a naupang ber a ni a, May ni 29, 1966 khan Cham-phai ah a piang a, kum 1989 khan BA (Sociology Honours) pass in Gold Medalist a ni a, kum 1989 khan MA (Public Administration) pass lehin hetah pawh hian Gold Medalist a ni leh bawk. RK. Lianzuala hian thil lem lamah harsatna a neih avangin nikum February thla khan Ai-zawl-ah Doctor thiamte a berawn a, February ni 6 khan chaw kawng Cancer a ni tih hmuhchhuah a ni a, hemi hnu hian Vellore panin enkawl nghal a ni a, chau tial tialin Inrinni khan a boral a, a ruang hi lumen a nih hnuah nimin khan vuiliam a ni ta a ni.