Serchhip bialtu MLA hovin ZPM leh Congress hruaitu ten Serchhip-ah inhmuhkhawmna an nei

Lok Sabha inthlanpui lo awm tura Congress leh ZPM in Serchhip-a Joint Campaign Committee an din bultumin nimin khan Serchhip-ah Party pahnih hruaitute inhmuhkhawmna neih a ni a, he hun hi Serchhip bialtu MLA, Lalduhoma chuan a rawn hmanpui a ni.

Serchhip Hmar Veng YMA Hall-a he inhmuhkhawmna ah hian Lalduhoma chuan tun Budget Session neih zawh taka Serchhip hmasawnna tur rawtna a thlen zinga pakhat, District Hospital neih vat a \ulzia chungchang chu Assembly House pawhin lo pawmpuiin, Finance Commission hnenah pawh amah ngeiin thlen fel tawhin an lo pawmsak tih a sawi a; District Hospital changtlung tak kan neih thuai a beiseiawm hle a tih a sawi a. Serchhip Bazar-pui building leh a chhehvel pawh tun aia \ha zawk leh changtlung zawk, Parking Facility pawh awm thei tura rawtna a thlen pawh chu Assembly House-in lo pawmin, a rang thei ang bera hma lak vat a nih tur thu a sawi bawk.
Inthlanpui neih tur chungchang sawiin Lalduhoma chuan India ram politics chu \huang hnih a in\hen a nih thu leh tun Election lo awm turah phei chuan CAB 2016 pass duh leh duhlo angin an in\hen a ni ber tih a sawi a; “Chuvangin, Mizo mipuite hian kan rilruah Sawhthing, kawng chhawng, pawisa sem, zu zawrh, etc lam dah\hain, kan Kristianna leh Mizo hnam himna tur zawk ngaihtuah chunga vote kan thlak a \ul tak meuh meuh,” a ti a. Congress nena an thawhhona chungchang pawh sawiin, “Political party te chu a changa in-ep, a changa thawk ho \hin kan ni tlangpui,” tiin  tun \umah pawh hian chhan \ha tak, CAB 2016 avang maia ZPM leh Congress chu \ang ho an nih thu a sawi a. Political Party te chu issue-a zira thawkho leh thawkho lo mai tur an nih thu sawiin, chu chu party politics ruihchilh lo nih dan tur a nih zawk thu a sawi bawk.
Mizote ang Hnam tenau zawk leh Kristian te tana BJP kaihhruaina a him loh dan leh RSS nihphung te sawiin, a bikin Kristiante hnawk an ti hle tih a sawi a, “He Zoram Kristiante ngei pawhin BJP, Pu Modi kaihhruai sawrkar chet dan \henkhat hnawkzia kan hria,” tiin Kohhran pawh chhan duhawm lo tak a awm \hin avanga \awng\ai rual fo an nih tawh a sawi a; a lungchhiat thlakin, Kohhran mite pawhin tun MP Election lo awm turah hian ngaihtuahna fim tak an put a ngaih thu a sawi bawk.

Comments

Chhiar Hlawhte

YMA Day pual Article :