Latest News

Poshan Pakhwada Fortnight kharna pualin Serchhip-ah Naupang ten Cycle Rally an nei

Poshan Abhiyaan (National Nutrition Mission) kum khat tlin lawmna atana Awareness Campaign chawlhar hnih awh, Poshan Pakhwada Fortnight kharna atana buatsaih, Naupangte tana Cycle Rally chu nimin khan Serchhip DC Office tual a\anga College Peng thlengin neih a ni.
Nimin-a Cycle Rally-a tel te hi Serchhip District Bawrhsap, Sangchhin Chinzah chuan vailiamin mihring ten ei tur hrisel kan mamawh khawp kan ei loh chuan kan taksa in a nih tur ang a ni phak lo thei tih a sawi a. Hei hi kan theihna te, kan chakna te, kan hriselna ten a tuar \hin tih sawiin, chuvang chuan India sawrkar chuan naupang ten ei tur \ha an ei ngei theih nan hmalakna lian tak a duang ta a. He hmalakna hi a pawimawh hle a, Serchhip District pawhin kan chhawr \angkai ngei a beisei thu a sawi bawk.
He hunah hian Serchhip ICDS Project-a CDPO, Lalbiakliana chuan Poshan Abhiyaan chungchang sawifiahin, tun thla ni 8 a\ang khan Poshan Abhiyan kum khat tlin lawmna hi neih a nih thu leh chumi kharna atana he Rally hi buatsaih an nih thu a sawi a. He scheme hi naupang, nu naupai leh nu hnute tui pelai ten chaw\ha an mamawh ang an hmuh theihna tura hmalakna niin Technology hrang hrang hmanga naupang rih zawng zang lutuk te, thisen tlachham te tih tlem tumna te, naupang, tleirawl, nu naupai leh nu hnute tui pe laite ngaihvenna programme a nih thu a sawi a. Hetiang deuh bawk hian PMMVY Scheme chu kalpui pah reng a nih thu sawiin, he Scheme hnuaiah hian Serchhip District-ah nu, fa pakhatna paite hnenah Rs. 5000 \heuh sem a ni a, a vaiin Rs. 41,74,000 sem chhuah a ni tawh tih a sawi bawk.
Nimin-a he Rally te hi DC Office tual a\anga neiin College peng-ah a kharna neih a ni a, he huna tel te hi T-Shirt pek vek an ni a, he huna tel te hnenah hian tui paina tur bottle bakah ei leh in tur chi hrang hrang sem a ni bawk a. He huna tel te hian Nu, naupai leh nausen tana Poshan Abhiyaan leh PMMVY pawimawhna thuziak te tarin an aurual bawk a ni.

Comments

Popular News (Last 30 Days)