Ran chiu beihpui thlak mek

Serchhip-ah AH & Vety Department chuan mipuite leh ranvulhtute tan theihtawp chhuahin hma an la mek zel a, District chhung khaw hrang hranga ran te chiu vek an nih theih nan hma an la mek zel.
Serchhip-a AH&Vety Department hian February 2019 chhung khan Serchhip District chhunga khaw hrang hrangah ran hri leng laka inven nan hri danna (vaccine) hmangin Vawk, Bawng, Lawi leh Sial chiu runpui an nei a. Tunah hian Vawk pul hri danna, SF Vaccine in Vawk 2369 an chiu tawh a, FMD Vaccine in Bawng leh Sial 209 a thlawnin an chiu tawh bawk.
Kum 2013, 2017 leh 2018 bawra PRRS natna hri leng avang khan Mizoram pumah Vawk 11,079 an thi a. Heng Vawk thi te avanga ranvulhtu te hloh zat chu cheng nuai 1062.866 hu a tling hial a. Chung ran thihna chhan ber PRRS hri an kai vang mai nilovin Vawk pul hri (Classical Swine Fever) an vei tel vang a ni tlangpui a ni. Chutiang anih avang chuan AH&Vety Department chuan Vawk pul hri danna a ramchhung vawk zawng zawng chiu vek turin hma a la ta a, ran chiu man pawh la lovin a thlawn vekin an chiu sak a, he hmalakna hi chhunzawm zel tura ruahman niin hemi hmalam hian mipuite chu fimkhur dan chi hrang hrang zirtir an lo ni tawh bawk a ni.

Comments

Popular posts from this blog

PAN CARD an tih teh fo hi - Laldinpuia