Sub-Hqrs YMA Vigilance Committee ten Serchhip Complex Stadium-a Track line siam mek an tlawh

Serchhip Sub-Hqrs. YMA Vigilance & Monitoring Committee te chuan niminpiah tlai khan Serchhip Sports Complex Field-a Running Track siam mek chu a hmunah kalin UD&PA Department te nen an enfiah a, hnathawktute hnathawh mek dan leh an hnathawh tawh te an thlirho.

Serchhip Complex Field-a Track line siam hna hi Syncotts International, New Delhi te chuan thawk mekin Company lam a\ang hian Engineer Ikram Saifi chuan a awmchilh a. Engineer Ikram Saifi chuan an Track line siam mek chu lane 6 awm tur anih thu sawiin, tuna Football Ground awmdan hi a dik tawkloh avangin duh anga siam theih anih loh thu a sawi a. Track line hi International Standard-ah a inkar zau zawng hi 1.22meter tur a ni a, hetihlai hian Serchhip Complex Field-ah chuan 1.10. meter bak a siam theih loh thu sawiin, Track line inkar chu International Standard aiin inches 4 zelin a zim dawn tih a sawi a. Tuna Football Ground awmdanah hian hetiang bak hian a siam theihloh a ni, a ti bawk. Tunah hian ngawrh takin hemi siam hna hi thawh mek a ni a, an hmanraw hman tur pawh a lo thleng kim tawh a, kumin August thlaah hian siam zawh hman an tum thu Engineer chuan a sawi bawk.

Hei bakah hian Vigilance & Monitoring Committeee chuan Complex Field-a mipui \hutna tur, Gallery-a chair phah vek tawh, a inkar zim lutuk avanga nikum lama Sub-Hqrs YMA ten complaint an lo siam tawh chu Company lamin a inkar zimna lai chair \huthmun siam\ha si lova, a chair awmsa lak ringawt an tum chu \halo an tih thu an sawi a, a chair innghahchhan inkar zim zawk chu siam\hat an phut tih sawiin, Chair engemaw zat awmze neilo a company lamin an phawk leh vek mai chu hriatthiam har an tih thu an sawi a, he an chair phawh leh hi engtikawng mahin Serchhip a\anga lakchhuah an remti dawnlo tih an sawi bawk.

Thudawn danin Serchhip Sports Complex-a Football Ground siam hna hi hun engemaw chen thawh a nih hnuah zawhfel thawkhat ni tawhin thawktute pawh an awm mumal tawhlo a, amaherawh chu Track line siam hna hi zawhfel ala nih ve loh avangin tun thlengin hawn theih ala ni lo a, hawn theih a nilo chung hian pawimawh zual atan chuan hman a ni zeuh zeuh tawh a ni.

Niminpiah tlai-a helai hmuna hnathawh an enfiahna ah hian Sub-Hqrs. YMA Vigilance & Monitoring Committee hruaitute bakah UD&PA Department a\angin DUDO leh JE te an tel a, Serchhip District Athletics Association hruaitute pawh an tel bawk a ni.