MNF in Vantlang Inkhawm nei

Lok Sabha MP thlanna neih tura MNF Official Candidate, C. Lalrosanga chuan nimin khan Serchhip rawn tlawhin Serchhip Bazar-a Van-tlang Inkhawm buatsaih ah thu a sawi a. Mizo-ram MP atan Ruling Party Candidate thlangtling turin mipuite a sawm.

MPF Serchhip District President, Pastor H. Lalawmpuia kaihhruai he Vantlang Inkhawm ah hian MNF Official Candidate, C. Lalrosanga chuan MNF Party chu Mizo Hnam tana ding leh ‘Pathian leh kan ram tan’ ti tu an nih thu sawiin, Mizoram-ah sawrkar thar a din thu leh kawng hrang hrangah hma a lak thu a sawi a, heng an hmalakna te hi sawrkar laipui ah bawhzui ngai tam tak a awm dawn thu sawiin, Sawrkar lai rilru hria leh an \hahnem ngaihna hrethiam tur MP thlan a pawimawh avangin Mizoram tan Ruling MP thlantlin chu thil pawimawh a ni tih a sawi a. Sawrkar hna a thawh chhungin India hmarchhak leh ramchhung hmun hrang hrang alo tlawh tawh thu pawh sawiin, chung a\ang chuan hmasawnna tur tam tak kan la neih te pawh a hriat thu a sawi a. Heng atan hian State sawrkar tha ti chak tura Ruling party Candudate ngei MP atana thlangtling turin Serchhip mipuite chu a sawm bawk a ni.

He hunah hian Lalruatkima, MLA pawhin sawrkar hmalakna hrang hrangte sawiin, “Congress sawrkar kum 10 chhung khan kawng tinreng ah mipui kan mangang a. Mimal tin leh kohhran mite kan \awng\ai a, kan \awng\ai chhanna chu MNF sawrkar thar hi a ni. Sawrkar tukah kawngpui siam nghalin Zu kan hnungkhirh \an a, sikul \an hun thlengin kan siam danglam nghal. Thla thar a\angin Congress lo tihtawp tawh Chini pawh kan sem leh ang. Traffic jam pumpelh nan Kawng-chhawng siam nan Provisional Fund cheng vaibelchhe za tel kan hmu bawk. Kan beisei phak bakin Pathianin mal min sawm,” a ti bawk.

He Vantlang Inkhawm ah hian MNF Party mipui \hahnem tak telin Chhiahtlang-ah pawh Vantlang Inkhawm hi neih a ni bawk.