Lok Sabha inthlanpui neih tur atan DEO in Political Party aiawhte nen inkawmna buatsaih

Nimin chawhnu dar 2:00 khan Serchhip District Election Officer, Sangchhin Chinzah hovin a pisa-ah Political Party hrang hrang aiawhte leh Election Official ten inkawmhona buatsaihin kan hma lawka MP inthlanpui lo awm tur atana inbuatsaihna hrang hrang sawiho a ni.
District Election Officer in Political Party hrang hrang aiawhte a kawmna hun a buatsaihah hian DEO chuan kum kalta khan Serchhip District-ah MLA Election felfai taka neih alo nih tawh avangin lawmthu a sawi a, Lok Sabha MP Elelction-ah pawh hian inthlanna thianghlim leh felfai tak kan neih leh theih nan kalkhawmte chu thawhpuiah a sawm a ni.
He hunah hian Chuauhnuna, Dy. DEO chuan Election Expenditure Monitoring chungchang sawiin, Lok Sabha Election 2019 ah hian candidate pakhatin campaign nan cheng nuai 70 a hman theih thu a sawi a. Election Expenditure pual hian candidate ten Bank Account thar hlak an hawng tur a ni a, chutah chuan candidate-in a sum zawng zawng a dah tur a ni a. Election hun chhungin mi pakhat emaw, pawl pakhat emaw hnenah sum fai a pek chhuah theih pumpui chuan Rs. 10,000/- a pel thiang lo a ni, a ti bawk.
He hunah hian R. Vanrengpuia, Nodal Officer, Election Expenditure Monitoring chuan Election chhunga sum senso chhutna tur Rate Chart chungchang a sawifiah a. K. Saitluanga, Member Secretary, Media Certification & Monitoring Committee chuan MCMC in media hrang hranga candidate tinten Model Code of Conduct an bawhchhiat lohna atana phalna pek chhuah anih dan chungchanga a sawifiah a. Model Code of Conduct chungchanga party hrang hrangten an hriat tur pawimawhte sawihona hun hman zui niin, zawhna leh chhanna hun hman a ni bawk.
Hetihlai hian Serchhip District Election Officer, Sangchhin Chinzah chuan hriattirna tichhuakin Indian Penal Code Section 171B angin vote hmuh nana election laia sum leh pai leh eng thil pawh petu leh dawngtu chu kumkhat thleng lung In tan emaw, pawisa chawitir emaw, a pahnih hmanga hrem theih a nih thu a tarlang a. IPC Section 171 C angin midang vautu emaw, engti kawng pawha midang tinatu chu kumkhat thleng lung In tan emaw (mi taksa ah hliam a thlen phei chuan IPC section dang hmanga hrem theih), pawisa chawitir emaw, a pahnih hmanga hrem theih a ni bawk tih a tarlang a. Hetianga midang hnen a\anga thamna sum la emaw, midang tupawh thamna sum petu emaw, midang vautu leh tinatu laka thubuai siamsaka action la turin Flying Squad leh Expenditure Monitoring Team dangte din a ni tih tarlangin, mi tinte thamna la lo turin a ngen a. Thamna inpek chungchang emaw, invau leh in tihnat chungchang emaw hria chuan Complaint Monitoring Cell phone number 1950-ah englai pawhin a thlawna hriattir theih a nih thu a tarlang bawk.

Comments

Popular posts from this blog

PAN CARD an tih teh fo hi - Laldinpuia