Sawrkar kal danah mipuite an lungawi - Zoramthanga

MNF President, Zoramthanga chuan tuna sawrkar an kalpui chinah mipuite an lungawi nia a hriat thu a sawi.
Nimin a Aizawl Mizo Hnam Run-a MNF Chhung Inkhawm ah MNF President leh Chief Minister, Zoramthanga chuan thu sawiin Januarty thla laihawl a\angin awmze neiin sawrkar an kal \an chauh tih sawiin, “Fumfe taka thla 2 vel chauh la kal ni mah ila, kan kal \ha fu tih hi mipui hmuh dan a ni. Inthlan dawna Congress sum chawhpherh bang nawi ringawt kan hman danah pawh mipui an lungawiin ka hria a. Zoram mipuite hian 'keimahni chaw chhum ngei' kan hlui hun hi beiseina sang tak nen an thlir mek a ni,” a ti bawk.
MNF President, Zoramthanga chuan MP leh By-Election-ah Pathian leh mipui zarah an chak ngei ang tih pawh sawiin, “MLA 26 nei sa kan ni a, khawvar hnua inthlang tur kan ni a, Pathian leh mipui zarah kan tling ngei ang,” a ti a. Congress leh ZPM thawhhona chungchang sawiin, “Mi tam tak thih phahna Congress party sawrkar Zu zawrh chhan kha zawt ta ila, 'Tuna ZPM puipa nita te min fuih avanga zuar kan ni alawm. Seminar-ah te, Talkshow-ah te Zu zawrh an sawimawi a, lehkhabu hial an ziak a, min hmin ta alawm' ti thei an ni. Tunah hian Zu zawrh duh ve ve an thawkho ta law law a ni,” a ti a. ZPM hotute chuan 'principle-ah kan ding' an ti ngam tawh lo tih a sawi bawk.
Chief Minister chuan eptu lamin BJP nen thawkdun ah an puh leh mek tih pawh sawiin, “NEDA leh NDA hi thuhmun reng a ni a, Congress duhlo zawng kan \anhona pawl a ni,” a ti a. CAB 2016 dona kawngah MNF-in hma a la nasa hle tih sawiin, an hmalakna hrang hrangte pawh a tarlang a. “Luhlul chhuaha Sawrkar-in kan do lo nia sawi tam a, mipui awihtir an tum a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia