Dan ang thlapin hnalak kalpui tum a ni - Dr. K. Beichhua

Social Welfare Department hnuaia District Coordinator leh Project Assistant lak turah Dan ang thlapin hnalak kalpui tum a nih thu Dr. K. Beichhua chuan House a hrilh.
Nimin a Assembly Budget Session-a zawhna leh chhanna hunah Member te zawhna chhanga he thu hi sawiin Social Welfare Minister, Dr. K. Beichhua chuan an Department hnuaia District Coodinator 3 leh Project Assistant 1 lak turah kumin January thla bul lam khan Advertisement chhuah a ni tih sawiin, February 9 ah result tihchhuah a ni tih a sawi a, hei hi Common Merit anga tihchhuah a nih thu a sawi.
Dr. K. Beichhua chuan department hna lak hi engmah a hriat lo tih sawiin, mi 54 an thlanchhuah te chu Central Guideline bawhchhiatna a awm vangin siam\hat tum a hmalak a nih thu a sawi a. Department hotute a koh thu leh thil awmdan a sawipui thu sawi bawkin, interview cancel tura tih nghal a nih thu a sawi a, hemi hnu hian Common Merit list a\angin interview tur mi 20 koh leh an nih thu leh hei pawh hi interview kaltlangpui a nih chuan a fel dawnlo a a hriat vangin a bul a\anga Written test buatsaih \hat leh tura tih a nih thu a sawi bawk.
Dr. K. Beichhua chuan Social Welfare Department hnuaiah kum 2017-18 chhungin pianphunga rualbanlo mi 1160 te hnenah \anpuina pek a nih thu sawi bawkin, rualbanlo a bika \anpui ngaite (PwDs with High Support Need) survey neih mek a nih thu leh, he survey data a\ang hian anmahni \anpuina tur ruahmanna siam a nih tur thu a sawi a, tunah rih chuan naupang kum 19 hnuailam tana enkawlna Bethsaida Home, Durtlang - Naupang pianphunga rualbanlo 15 awm mekna leh Rephidim Home, Laipuitlang - Naupang rilru lama rualbanlo 8 awmna a awm thu a sawi bawk.

Comments

Popular posts from this blog

PAN CARD an tih teh fo hi - Laldinpuia