PRISM party in a malin MP thlan chuh tum

PRISM Party chuan Lok Sabha MP inthlanna lo awm turah thawhpui nei lova mal din an tum thu sawiin, karleh Thawh\anni khan Candidate puan an tum thu an sawi.

PRISM Party Central Committee chuan MPCC & ZPM Joint Committee-in tun \um MP Election lo awm tura an thawhhonaa tel ve tura an sawmna chu ngun taka an ngaihtuah hnuah telna chi ah an ngailo tih sawiin, he thawhhona a an sawmna ah ‘Sakhaw tih bik neilo te leh Hnam hnufualte himna duhtu zawng zawngte Mizoram-ah pawh \anho’ an rawn rawt thu chu uluk taka an ngaihtuahin PRISM Party chu principle base-a kal, Kristianna chawisan tum party leh Mizo (Zofa) te inpumkhatna leh hmasawnna duha Hnam dinhmun chawisan duh party an nih avangin he thawhhonaa tel ve hi remchang ah an ngai lo tih an sawi a. Ha inthlanna neih tur erawh chuh ngei an tum thu sawiin, ruahmanna an siam fel thu leh March 18, 2019 khian R. Zamawia In, Tuivamit-ah Candidate hi an puang dawn tih an sawi bawk.