Serchhip-ah District Bawrhsap hovin Chapchar Kut uar taka hman a ni

Mizote Kut pawimawh leh tun thlenga uar taka la hman, Chapchar Kut chu nimin khan Serchhip-ah uar taka hman a ni a. Serchhip District Bawrhsap, Sangchhin Chinzah chu Kut Nu niin Mizo Hnam lam leh zai hrang hrangte entir a ni.
Chapchar Kut hi Serchhip-ah chuan nimin chawhma dar 11:00 a\ang khan P&E Veng-a Leisekawt Mual-ah hman niin Kut Nu, Serchhip District Bawrhsap, Sangchhin Chinzah in Mual a rawn thlen veleh Khuallam nena lo lawmin Bawhhla chhamin Silai kah a ni a, Sub-Hqrs. YMA Zaipawl te zaiin Kut Thlengtu DRDA Project Director, VL. Remliana chuan Kut hmang tura kal te lawmna thu a sawi a, hemi hnu hian Kut Nu chuan Kut hawnna neiin hemi hnu hian item chi hrang hrang entir zui nghal a ni.
Nimin a Serchhip-a Chapchar Kut hmanna ah hian Town Branch YMA hrang hrang ten a huhova Cheraw Bu 20 an entir chuan mipui lawm a hlawhin Branch hrang hrang a\anga YMA Chhang ten Tlang Lam an entir chuan hlut a hlawh hle a. Hei bakah hian YMA Branch hrang hrang ten Sarlam entirin Govt. Serchhip College zirlai ten Solakia an entir a, MHIP Sub-Hqrs. in Par Lam an entir bawk a, MZI Hqrs. Zaipawl te an zai bawk a ni.
Serchhip-a Chapchar Kut hmanna ah hian MHIP Sub-Hqrs. Serchhip in Mizo La deh dan a taka entirin MUP Sub-Hqrs. Serchhip in Mizo Thiamhnang deh an entir bawk a, heng te hian mipui hlut a hlawh hle bawk a. Chawhnu lamah Serchhip-a zaithiam ten zai hmangin mipuite an awi bawk a, Chapchar Kut hmangtu hi an \hahnem hle a ni.
Kumin a Serchhip-a Chap-char Kut hmanna a kal te a\ang hian ‘Miss Chapchar Kut-2019’ thlanna neih leh niin Lalthla-muankimi D/o Lalnunsangi, Serchhip P&E Veng chu thlan a ni a, Vakiria, Sash, Thuziak leh pawisafai Rs. 2000/- hlan a ni bawk. a, nileng in he Kut hi hman a ni.

Comments

Popular posts from this blog

PAN CARD an tih teh fo hi - Laldinpuia