CM hovin Scouts & Guides \hutkhawm nei

Chief Minister leh Mizoram Bharat Scouts & Guides State Council President, Zoram-thanga chuan tunlai boruak-ah Scouts & Guides-ah a tam thei ang ber lakluh chu pawimawh zual tih a sawi.
Nimin a Aizawl-a Chief Minister Office Conference Hall-a Mizoram Bharat Scouts & Guides State Council Meeting neih a hmanpuina ah he thu hi sawiin Chief Minister chuan ruihhlo leh sualna hrang hrangin \hangtharte nun a tihbuai lai hian Scouts & Guides inkaihruaina chuan thuawihna leh invawng taka nung turin an thinlungah tuhin, nun kawng kaihruaitu \ha a nih thu a sawi a. Moral Reformation atan pawh a pawimawh thu sawiin, thinlung kaihruaitu atan naupang zawk leh \hangtharte mai bakah puitling thleng tan a \ul thu a sawi bawk.
Nimin Scouts & Guides State Council meeting-ah hian kum 2018-19 chhunga pawl hmalak tawhna hrang hrangte ngaihthlak niin kum 2019-2020 chhunga hmalakna tur chhawpchhuahte chu ngaihtuah ho a pawm a ni bawk.
Mizoram-ah Scouts & Guides Movement hian kum 86 hmel a lo hmu tawh a. Kum kalta khan Cub and Bulbul Advancement a sang ber National Award 'Golden Arrow Award' chu Mizoram a\angin Cub 10 leh Bulbul 62 ten an dawng a, Scouts & Guides advancement sang ber National Award, 'Rashtrapati Award' chu Scouts 5 leh Guides 22 ten dawng bawkin, State Award sang ber, 'Rajya Puraskar Award' chu Scouts 74 leh Guides 102 ten an dawng bawk a ni. Scouts & Guides State Council Meeting hi kumtin vawi khat neih \hin a ni.

Comments

Popular posts from this blog

PAN CARD an tih teh fo hi - Laldinpuia