'Chawngkhupa Island' tia hming thlak rawtna awm

P&E Department changtu Minister, R. Lalzirliana chuan Serlui B Hydel Project a 'Hawla Island' chu 'Chawngkhupa Island' ti a a hming thlak rawtna a awm mek tih House a hrilh.

Nimin Assembly zawhna hunah member te zawhna leh zawhbelhna chhanga he thu hi sawiin, P&E Minister chuan tunhnaia Cabinet Meeting in sawrkar sum hmanga siam/chei/sak te mihring damlai hming phuah a khap vangin Serlui B Hydel Project a thliarkar pakhat awm, 'Hawla Island' tih hming phuah chu a hming thlak tum mek a nih thu sawiin, a hming tura rawtna awm zingah hian 'Chawngkhupa Island' tih pawh a tel tih sawiin, thutlukna siam ala nih loh thu a sawi bawk.