Lungpho khaw mi kang \helhna ah lung lum in a delhhlum

Nimin chawhnu dar 1:10 vel khan Lalngaih-zuala (26) w/o Lalchhanhimi, Lungpho chu ram kang an \helhna ah lung lumin a lu ah a delh a, a hmun ah boral nghalin a ruang hi lumen a nih hnuah Vawiin hian vuiliam a ni ang.

Thudawn danin nimin khan Serchhip District chhung Lungpho khaw tlaklam Sialhau khaw ep, khua a\anga Km 4 vela hla, |hapui ram chu kangin khawtlangin an \helh a, he hunah hian Lalngaihzuala pawh hi telin kang an \helh lai hian lung lum hian a chal-ah delhin ka pawh chhawn lohvin a thi a, a nupui raipuar lai leh an fate 2, kum 5 hnuai lam a kalsan a ni.

Lungpho |hapui ram hi a chhan hriat lohin a kang a, nimin zing dar 9:30 vel khan VC leh YMA ten \helh tur thu an tlangau a. A hma hian a bulhnaia awm tho Lungpho VC Vice President, Lalzarmawia pawh lung lumin a ban bulah delhin an khua panpui a nih laiin Lalngaihzuala thih thu an hre leh ta a ni.