Zeng hri danna pe leh \an

Nimin a\ang khan Zeng hri danna pek beih-pui chu thlak \an a ni leh ta a. Serchhip-ah pawh he beihpui thlakna hi nimin zing khan Serchhip CMO, Dr. Laldawngliana Sailo chuan a hawng a ni.

Zeng hri danna pek beihpuithlakna hawnna hi New Serchhip Bazar-ah neih a ni a, he hunah hian Dr. Laldawngliana Sailo chuan he beihpui-thlakna hi a hawng a, he hun kaihruaitu Dr. Lalhlunpuii, District Immunization Officer chuan Zeng hri danna hi naupang kum 5 hnuaia lam hnenah kumtin \um hnih pek a ni \hin tih sawiin, tun dinhmun ah chuan India ramah zeng hri hmuh chhuah a awm tawh lova. Mahse khawvel pumah umbo ala nih loh avang leh \henawm ram Afghanistan leh Pakistan-ah te he hri hi hmuh ala nih avangin invenna hi titawp mai lovin kum khat atan \um khat pekah hman a nih tak thu a sawi a. Nu leh paten hri danna hi ka ngaipawimawha, kan fate kan ei tir zel anih chuan Zeng hri hi umbo vek theih a nih thu a sawi bawk.

Tun \uma Zeng hri danna pek beihpui-thlak ah hian Serchhip District puma naupang kum 5 hnuailam mi 5715 te hnenah hri danna hi pek tura target a ni a, heng mite hri danna pekna tur hian Vaccination Booth 73 awmin Serchhip khaw chhung bikah chuan hri danna pekna tura ruahman hmun 23 ah pek a ni a. Nimin-a hri danna la ve lo an awm em tih zawng chhuakin In tinah an kal chhuak dawn bawk a ni.