Police ten training nei

Lok Sabha inthlanpui neih hun tur puan a nih hnuah nimin khan Serchhip Police te tan in-thlanpui neih tur atana Training vawi hnihna chu neih leh niin Vote thlak kaihhnawiha an hriat tur hrang hrang zirho a ni.
Lok Sabha inthlanpui neih tura Serchhip District chhunga duty tur Police mi 140 te tana inthlanpui kaihhnawihan training Vawi 2-na hi Serchhip SP Conference Hall-ah neih niin Police mi 50 an tel a, ruahman ang chuan Police mi 140 te tan training hi neih tur niin nimin a mi 50 ten training an neih hnuah Vawiin chawhma lamah midang 50 ten training nei lehin chawhnu ah mi 40 ten training hi an nei leh dawn a ni. Nimin a Training buatsaih ah hian Land Revenue & Settlement Department-a Settlement Officer, C. Lalduhzuali chuan Vote thlakna khawl, EVM leh VVPAT khawl hnathawh dan te, VVPAT enkawl dan leh hman dan bakah Postal Ballot nihphung leh Postal Ballot hmanga Vote thlak dan te a zirtir leh a ni. He Training hi Serchhip SP, R. Sathiyasundaram, IPS pawhin hmanpuiin Police te chu inthlanna pawimawh zia hriaa an mawh-phurhna te \ha tak hlen tum turin a chah a ni.

Comments

Popular posts from this blog

PAN CARD an tih teh fo hi - Laldinpuia