Hming pekluh hun tawp dawn

Mizoram in Lok Sabha-a Seat khat a neih luah tura MP inthlanpui neih tur atana inthlanna chuh tum te tana hming pekluh hun chu Vawiin hian a tawp dawn ta a, hriat theih china he inthlan chuh tur hian mi pali ten Nomination paper an thehlut tawh a ni.

Lok Sabha inthlan chuh tur hian MNF Candidate, C. Lalrosanga chuan Nomination paper thehlut hmasa berin Zirtawpni khan Independent-a inthlan chuh tur Lalhriatrenga Chhangte chuan Nomination Paper thehlut lehin Inrinni khan Independent bawka inthlan chuh tur Lalnghinglova Hmar chuan Nomination Paper a thehlut bawk a, Independent-a chuh tur, Lalthlamuani pawhin Nomination Paper thehlut tawhin ani hi Chhinlung Israel People's Convention pawl hotupa, Lalchhanhima Sailo nupui a ni.

Nomination a file zawh hnua chanchinbu mite zawhna chhangin Lalnghinglova Hmar chuan tun \um MP inthlan tur chungchangah BJP leh BJP lo zawng inbeihna tur a nih thu a sawi a, CAB ‘16 duh lovin a tihtlang tum BJP thawhpui vote tlat chu thil nihphung nia a hriat loh thu a sawi a. MP inthlanah a tling a nih chuan CAB piah lamah Look East Policy conectivity leh kut-hnathawktute hmasawnna tur ngaihtuah chu a ngaih pawimawh hmasak tur a nih thu a sawi.