Mizopa hnenah IARI Innovative Farmer Award hlan

/
Serchhip District chhung East Lungdar khua a C. Lalhranga chu Indian Agriculture Research Institute (IARI) Innovative Farmer Award hlan a ni.
Serthlum chingtu C. Lalhranga hi a hmalakna hlawhtling tak avangin Indian Agriculture Research Institute (IARI) Innovative Farmer Award dawng tura thlangin New Delhi-a National Agriculture Fair neih mek, 'Krishi Unnati Mela' ah hlan a ni a. C. Lalhranga hian kum 1986 a\ang khan ram hectare 6-a zau ah Serthlum chingin Serthlum a\ang hian kum khatah cheng nuai 8 chuang a tharchhuak \hin a, Serthlum huan bakah nursery siamin hemi a\ang hian cheng nuai 3 chuang a lalut reng bawk a. Serthlum kungte hi kum 30 chuang te ni tawhin a enkawl uluk avangin \ha takin rah a la chhuah reng thei a ni.
Kum 2016 khan Horticulture Department chuan 'Best Horticulture Farmer' atan a lo thlang tawh a, hei bakah hian India rama ser ching hlawhtlingte hnena hlan \hin - 'Dr. Shyam Singh Best Citrus Growers Award' chu kum 2018 khan hlan a lo ni tawh bawk. C. Lalhranga hian Serthlum a chin bakah hian Greenhouse hnuaiah Tomato hlawhtling takin a ching bawk a, heng a\ang hian kumtin cheng tam tak a lei-chhuak reng bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »