District Level Sports for Peace Volleyball khelh zawh a ni

Serchhip District Volleyball Association (SDVA) buatsaih, Serchhip District Level Sports for Peace Under-16 Boys Volleyball Competition-2019 chu nimin khan khelh a ni.
Sports for Peace hnuaia Volleyball Tournament hi Block Level-a khelh zawh a nih hnuah nimin khan Serchhip Vengchung Volleyball Court-ah District Level Competition hi neih leh a ni a, he Competition-ah hian Serchhip District chhunga Block pahnih a\angin Block Champion ve ve leh Runners-up ve ve te an tel a, Block Champion ve ve te hian Block lehlama pahnihna te tumin nimin a inkhel ah hian East Lungdar Block-a champion, Khawlailung chu Serchhip Block-a pahnihna Vengchung in 2-0 in an hneh a, Ser-chhip Block-a Champion, Bungtlang chuan East Lungdar Block-a pahnihna East Lungdar chu 2-0 in an hneh bawk a ni.
Hemi hnu hian a chaklo pahnih, Khaw-lailung leh East Lungdar te hian pathumna dinhmun inchuhin Khawlalung hi 2-1 a chawkin pathumna lawmman an dawng a. Inkhel hmasa a chak te pahnih in Final khel zuiin Serchhip Block-a champion, Bungtlang chuan Serchhip Block-a pahnihna, Vengchung chu 3-0 a hnehin an champion zui bawk a ni.
He inelna a pakhatna hian lawmman ah Rs. 8400/- leh Trophy dawngin pahnihna in Rs. 4800/- an dawng a, pathumna in Rs. 2400/- dawngin khual a\anga kal te hi an kalman tumsak vek an ni bawk. Nimin a he Competition kharna hun hi Mizoram Volleyball Association a\angin David Aizampuia, Vice President chuan khuallian nia rawn hmanpuiin tun dinhmun ah Mizoram-ah Sports ngawr ngawr chu infiammi zawng zawng tan eizawnna tling ala nih loh avangin infiammi te chu zirna thlahthlam lova \hahnem ngai taka an zirlai te zir zel turin a chah bawk.

Comments

Chhiar Hlawhte

YMA Day pual Article :