House-ah CAB-2019 duhlohna Official Resolution pass a ni

Nimin a Assembly Budget Session-ah Home Minister, Lalchamliana chuan Citizenship Amendment Bill -2019 duhlohna Official Resolution chu Assembly House-ah a pulut a, sawiho a nih hnuah pawm a ni.
Nimin a Assembly Budget Session rorel inkhawm ah Home Minister chuan, CAB-19 ni ta chu Mizoram Legislative Assembly 7-na liamta ah khan sawiho alo nih tawh thu leh lungrual takin dodalna/duhlohna pawm alo nih tawh thu a sawi a, tun Assembly 8-na ah hian CAB dodalna leh duhlohna hi Mizoram sawrkar in lantir ngei a duh niin a sawi.
Home Minister chuan CAB 2019, Lok Sabha in kumin January 8-a alo pass tawh, Rajya Sabha a la pass loh hi Mizo mipui zawng zawngin kan ngaimawh tih sawiin, Party, NGO leh Kohhran thleng pawhin a kan duh loh a nih thu a sawi a. Dan hman lai mek ah chuan, dan lova India ram rawn lut 'Illegal Migrants' a tih te chu khua leh tui nihna pek theih an nilo tih Home Minister chuan sawiin, Central sawrkarin pass a tum mek CAB-ah hi chuan khua leh tui an nih theihna tur kawng zau tak hawn a ni tawh dawn tih a sawi a, hei hi Mizoram tan a him lo hle tih chu Mizo-ram sawrkar ngaihdan a nih thu a sawi bawk.
CAB dodalna chu India ram hmun hrang hrangah kalpui a ni chungin Central sawrkar chuan a kalpui chhunzawm zel thu Home Minister chuan sawiin, Mizoram-ah pawh dodalin kumin Republic Day pawh boycott hial a ni tih a sawi a. “CAB hi kan duhloh em vangin NGO te nen \angrualin kan dodal a, he kan duhlohna hi lantir ngei \ha a hriat a nih vangin Mizoram sawrkar chuan CAB dodalna leh duhlohna Official Resolution a pu lut ta a ni, a ti.
Nimin a Home Minister Lalchamliana Official Resolution putluh hi sawihona neih zui niin Member \hahnem takin Resolution hi an sawiho a, sawihona neih zawh a nih hnu hian he Bill hi lungrual taka pawm a ni.

Comments

Chhiar Hlawhte