Serchhip-ah Mizo Indigenous Games neih \an a ni

Serchhip Sub-Hqrs. YMA leh Mizoram Indigenous Games Association te \angkawp in an buatsaih Mizo Infiamna Kutpui, Mizo Indigenous Games chu nimin khan Serchhip-ah neih \an a ni a, Vawiin ah zawhfel a ni ang.

Serchhip P&E Veng-a Leisekawt Mual-a neih Mizo Indigenous Games hi Serchhip Sub-Hqrs. YMA President, R. Sanghmingthanga chuan khuallian nia hawngin, YMA ten buatsaih an chak em em \hin Mizo infiamna Kutpui Serchhip-a buatsaih a ni chu lawmawm a tih thu a sawi a. Mahni Hnam nundan leh infiamna te chu hlut thiam a pawi-mawh thu sawiin, Mizote pawh helam ah hian kan \hangharh deuh deuh a \ul thu a sawi a, he infiamna Kutpui hi hlawhtling taka neih a beisei thu a sawi bawk.

Nimin a Mizo Indigenous Games hawnna hun hi Serchhip Sub-Hqrs. YMA Sports & Recreation Committee Chairman, Zomuana Hnamte chuan kaihruaiin Mizoram Indigenous Games Association hruaitute a\angin he infiamna neih dan tur hi ngaihthlak a ni a. Hemi hnu hian Branch hrang hrang a\anga tel ten thutiam lain inelna neih chhunzawm nghal a ni.

Mizo Indigenous Games-ah hian YMA Branch hrang hrangte tan kawng hrang hrang chi kua (9)-ah inelna neih a ni a, heng te hi Mipa tan In Saihruipawh, Kalchhet kal, Kanchhuk a\anga invuakthlak, In ke pir leh Insuknawr, Hmei-chhe tan Ketaminu tlan, Kawikah (inralsai) leh YMA Chhang tan Mipa-ah Sakuh Uilut leh Hmeichhe tan Zawnga leilawn dim dim te a ni a, naktuk hian chhunzawm lehin a kharna hman nghal tura ruahman a ni.