Sports for Peace kalpui mek zel a ni

/
Serchhip District Volleyball Association buatsaih Peace for Sports hnuaia Volleyball Tournament chu nimin khan zawhfel niin Papuia Memorial Volleyball Team, Bungtlang chu an champion.

Serchhip Vengchung Volleyball Court-a Sports for Peace Volleyball Tournament hi nimin khan Semi Final leh Final khela zawhfel a ni a, nimin chawhma lama Semi Final khelh ah Papuia MVT Bungtlang chuan Chhanchhan VC, Chhiah-tlang chu 2-0 a hnehin Semi Final lehlam ah Vengchung VC chuan Darnam VC-I chu 2-0 bawkin an hneh a. Semi Final-a chak zolo Team te hian pathumna inchuh zuiin Chhanchhan VC Chhiahtlang hian Darnam VC-I chu 2-0 a hnehin pathumna an ni zui bawk.
Hemi hnu hian Final khelh zui niin Final hi Best of Five-a khelh a ni a, Papuia MVT Bungtlang chuan Vengchung VC chu Straight Set, 3-0 a hnehin an champion zui ta a ni. He Volleyball Tournament-a champion Team hian Rs. 5000/- dawngin pahnihna in Rs. 3000/- leh pathumna in Rs. 1000/- an dawng a ni.
Football khelh tan a ni :
Nimin vek khan Serchhip District Football Association (SDFA) buatsaih Sports for Peace hnuaia Football Tournament pawh Serchhip Sports Complex-ah khelh \an a ni a, nimin khan Serchhip RD Block leh East Lungdar RD Block tan inelna neih niin Serchhip RD Block-ah Team 6 telin East Lungdar RD Block-ah hian Team 8 an tel thung a ni.
Nimin khan RD Block pahnih-a Team tel te hi inkhel nghalin Serchhip RD Block hi Final khel thei turin zawhfel nghal a ni a, Vawiin hian Final khelh turah Serchhip RD Block-ah Serchhip A leh Serchhip B te an inhmachhawn dawn a, Khumtung leh Thenzawl ten pathumna an inchuh ang. East Lungdar RD Block-ah Vawiin hian Semi Final khelin East Lungdar Vs Khaw-lailung an inhmachhawn anga, Mualcheng Vs Sailulak an inhmachhawn bawk ang.
Tarlan tawh angin Sports for Peace-a inelna hi discipline chi 7-ah neih tura ruahman niin kalpui chhoh mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »