Poshan Pakhwada Fortnight pualin Food Mela nei

Rampuma Poshan Abhiyaan (National Nutrition Mission) kumkhat tlin lawmna atana ‘Poshan Pakhwada Fortnight’ hman mek pualin nimin khan Serchhip-ah Food Mela neih a ni. Hapta hnih (2) chhung awh tur Poshan Pakhwada Fortnight hi tun thla ni 8 a\ang khan hman niin tun thla ni 22 thleng awh tura ruahman a ni a, he Fortnight hman chhung hian hmun hrang hrangah Nu leh naupai bakah nausen hriselna tura inzirtirna neih niin nimin khan Serchhip CMO Conference Hall-ah he Fortnight denchhen hian ICDS Serchhip Project chuan Food Mela an buatsaih a, he hun hi Serchhip CDPO, Lalbiakliana chuan kaihruaiin Serchhip-a Health Department a\angin Dr. Samuela leh Remsangpuii, RCH Staff ten nu leh naupai bakah nausen hriselna tura eitur \ha leh thianghlimna pawimawh dan hrang hrang he huna kalkhawm nu leh naupai te zirtirna an pe a ni.

Poshan Abhyaan hi March 8, 2018 khan Prime Minister, Narendra Modi chuan hawngin he Mission in a tum ber chu naupang kum 6 hnuailam an \han dan tur anga \hang lo tihtlem a ni a, rampum ah naupang \han \hu hi za zela 38.4 zet niin he Mission hian hei hi kum 2022-ah chuan zaa 25-a titlem turin hma a la a. Hei bakah hian he Mission hian naupang kum 6 hnuailam te bakah naupai, naupawm te leh tleirawl te pawh a huam bawk a ni.

Comments

Chhiar Hlawhte