YMA Chhang Faina Project kalpui turin ruahman a ni

Serchhip khawpui chhung Faina kawnga hmalakna kalzel ah ‘YMA Chhang Faina Project-2019’ chu kalpui tum niin hemi chungchang hi niminpiah khan sawiho a ni.

YMA Chhang Faina Project-2019 chungchang sawihona Disrict Urban Development Officer (DUDO), Vanthang-puii hova a pisa-ah neih ah hian DUDO chuan YMA Chhang te nen Faina kawnga thawhhona tur ruahmanna hrang hrang te sawiin, YMA Chhang member te \angkai zawka hman dan ngaih-tuahna ni se, Faina Project-2019 ah hian YMA Chhang nei Branch te kumtluan a Faina lama hma an lak theihna turin mahni Area \heuh te vawngfaia, engkawl fai ber te tan kum chanve lawmman leh kumtawp lawmman siam nise an tih thu a sawi a. Hemi bakah hian thla tin UD&PA Department in a ngen angin YMA Chhang te hnatlanpuina neiin he hnatlang neih atana senso hi UD&PA Department in YMA Chhang member neih zat a zirin a tum tur thu a sawi bawk.

YMA Chhang Faina Project 2019 hi thla tin endiktu tura ruat Sub-Hqrs. YMA OB ten an endik dawn a, endikna tur tehfung hrang hrang siam a ni anga, hemi hmang leh hnatlang lai thlalak kimchang te pawh endikna atan hman a ni dawn a ni. Hemi hmalam hian DUDO leh YMA Sub-Hqrs. hmalakna in YMA Branch te tan Faina kawnga inelna chu neih a lo ni tawh bawk a ni.