Serchhip-ah World Consumer Rights Day hman a ni

Serchhip District Consumer Association bultumin nimin Serchhip-ah World Consumer Rights Day 2019 hman a ni a. Kumin-a World Consumer Rights Day-ah hian thupui atan 'Trusted Smart Products' tih chu hman a ni.
Serchhip-a World Consumers Rights Day puala inkhawm hi Serchhip District Consumers Association President, H. Zonuntluanga chuan kaihruaiin Serchhip Consumer hmalakna leh hmachhawp hrang hrang te a tarlang a. Serchhip District Consumer Association te chu mipuite tana ding an nih angin mipui ten harsatna an neih chuan Consumer hruaitute hrilh zel turin a ngen bawk.
He hunah hian Serchhip District Consumers Association Secretary, Laldinpuia chuan kumina World Consumer Day theme 'Trusted Smart Products' tih chungchang sawiin, tunlai khawvel ah kan bungraw lei te a brand \ha leh rintlak ngei lei a pawimawh thu a sawi a. Thil mantlawm ringawt kan um \hin avangin quality \halo leh rintlak loh kan lei hian kan sum leh pai nasa taka min khawhral tir zawk thu a sawi a. Kan thil lei te chu rintlak leh \ha tak ngei anih theih nan mipuite kan fimkhur a \ul hle tih a sawi bawk.
Nimin vek khan Govt. Serchhip College-ah hian NSS Unit, Students’ Union leh JN Hospital Serchhip \angkawp buatsaihin Awareness Campaign in Tobacco Control, Mental Health and Tubercolosis’ hun hman a ni bawk a, he hunah hian zuk leh hmuam chungchang te, rilru hriselna chungchang leh TB natna chung-chang ah mithiam hrang hrang ten zirtirna an pe bawk a, zirlai \hahnem tak an tel a ni.

Comments

Popular posts from this blog

PAN CARD an tih teh fo hi - Laldinpuia