MP chuh tuma hming pe mi 6 an awm

Mizoram Lok Sabha Seat khat chuh tura hming pekluh theih hun chu nimin tlai khan a tawp ta a, he inthlanna chuh tur hian mi 6 in Nomination Paper an thehlut a ni.

Thla thar April 11-a Mizoram  Lok Sabha Seat khat (1) luahkhat tura inthlanpui neih tur atana Nomination paper thehlut te hi MNF Official Candidate, C. Lalrosanga te, BJP Candidate Nirupam Chakma te, Congress leh ZPM in an thlawp Independent Candidate, Lalnghinglova Hmar te, PRISM Party Candidate TBC. Lalvenchhunga te, Independent Candidate Lalhriatrenga Chhangte leh Independent-a chuh tum bawk Lalthlamuani te an ni a, Lalthlamuani hi Chhinlung Israel People's Convention pawl hotupa, Lalchhanhima Sailo nupui a ni.

April ni 11 veka vote thlakna tur Aizawl West-I Assembly By-Slection chuhtu turin mi pathum in Nomination an file ta bawk a, heng te hi MNF Candidate Zothantluanga leh ZPM leh Congress puih Independent Candidate, Lalbuanga Sailo bakah Zoramthar Pawl President, Zaichhawna Hlawndo te an ni a. Heng inthlan pahnih a Nomination Paper thehlut te paper thehluh hi Vawiin-ah enfiah a ni anga, in hnukdawk duh tan tunkar Ningani thleng hun hawn a ni ang.