Serchhip bialtu MLA hovin MJA (SD) ten Annual Conference vawi 12-na an hmang

MJA Serchhip District chuan niminpiah Feb. 28, 2019 khan SIRD Auditorium, Serchhip Tarpi Tlang-ah Annual Conference vawi 12-na hmangin he hun hi bialtu MLA, Lalduhoma chuan khuallian niin a hmanpui a. MJA General Hqrs. President, Zonunsanga Khiangte chuan Khualzahawm niin a hmanpui bawk.

MJA Serchhip District Annual Conference-ah hian khuallian, Serchhip bialtu MLA, Lalduhoma chuan MJA Serchhip District in Annual Conference-a khuallian tura an sawm chu lawmawm a tih thu sawiin, “Vawiin hi ram leh hnam, a bikin Serchhip bial hmasawnna atana an thawhhona bul\anna ni pawimawh tak ah ka ngai a ni,” a ti a. India sawrkar chuan Journalists te a ngai pawimawh hle tih sawiin, chanchinbu leh chanchinbu mite chu 'The Fourt Estate' tia sawi an nih \hin thu a sawi a. Journaslists te chu mipui thlavang hauhtu, sawrkar khalh ngila \hahnemngai taka hna thawk \hin an nih thu sawiin, chutihrual chuan thudik leh belhchian dawl chauh chhuah tur an nih thu a sawi a. Social Media-ah thu diklo leh mipui ti ralkhel thei thu post a awm fo \hin thu pawh sawiin, chutiang ah chuan mipui ten thudik a nih leh nih loh fiahna atan chanchinbu te an hman \hin thu a sawi a. Mipuite hnena thu dik chauh hrilh \hintu, mipui ten an rinngam Journslists nih chhunzawm leh a pawimawh takzet tih a sawi a. Serchhip Press Club tur sak mek ah MJA te nen theihtawp an chhuah tlan tur thu a sawi bawk.

MJA Serchhip District Annual Conference hi MJA General Hqrs. President, Zonunsanga Khiangte pawhin khualzahawm nia hmanpuin Journalist te chu teirei peihna kawnga entawntlak an nih thu sawiin, mipuite kawng dik kawhhmuhtu an nih thu a sawi a. Tunlai khawvel changkang zelah Social Media a lar tak thu leh heng te hi mi \henkhat ten thu diklo thehdarhna atan te an hman \hin avangin Journalist te chuan an paper kaltlanga mipuite thudik hrilha kaihhruai chu an rawngbawlna a nih thu a sawi a. Journalist ten Journalists pension an neih ve theihna tur hma an lakna leh ruahmanna hrang hrang an siam te pawh sawiin, sawrkar thuneitute hnenah an la thlen leh dawn thu a sawi bawk.

MJA Serchhip District Annual Conference hi an Vice President, Kapliana Pachuau chuan kaihruaiin Serchhip DIPR, K. Saitluanga, MIS pawhin he hun hi hmanpuiin MJA te leh I&PR Department te chu inhnaih taka thawk tlang an nih thu a sawi a. Serchhip-ah pawh MJA te nen thawhhona \ha tak an neih thu sawiin, Sawrkar in Journalists te tana hma a lakna leh ruahmanna hrang hrang a siam te pawh sawi-langin, MJA Serchhip District te tan hian tun sawrkar kum chhungin sawrkar in Tuirial HEP tlawhna hun siam a tum thu a sawi bawk.

He hunah hian MJA Serchhip District President, C. Ramengmawia pawhin MJA Ser-chhip District Member ten lungrual taka hma an la leh sawrkar zara Press Club sak hna bul an \an thei ta te chu lawmawm a tih thu a sawi bawk.

MJA Serchhip District Annual Conference hi hun hnih ah \hen niin hun hmasa lamah an President, C. Ramengmawia kaih-hruaiin rorelna hun hman a ni a, he hunah hian report hrang hrang ngaihthlak a ni bawk.

MJA Serchhip District hi kum 2000 khan 'Serchhip District Journalists Association' tia din niin kum 2007 khan District hrang hranga Journalists Association te \hiata MJA-a an inchhun-luh khan a inchhunglut hmasa ber an ni a, tunah hian Member 14 awm mekin heng zingah hian Thenzawl atangin mi 2 leh North Vanlaiphai a\angin mi 1 an tel a ni.

Niminpiah a MJA Serchhip District Annual Conference neih a nih avang hian nimin khan Serchhip tualchhunga chanchibu te pawh tihchhuah a ni lo a, hemi ang hian LENKAWL pawh a rawn chhuak theilo a, mipuite hriat-thiamna kan ngen bawk a ni.