Latest News

MBA in a tawp thlen tum

Mizoram Bar Association (MBA) General Hqrs. Aizawl chuan Ukil hna leh Ukil te ti hming-chhetute chu Dan anga na taka hrem an nih theih nan a tawp an thleng dawn tih an sawi a.
Nimin a thuchhuah an siamah MBA General Hqrs. hian tunhnai Social Media, Facebook kaltlanga Ukil hna leh Ukil hming tihliau zawng leh \awngkam dengkhawng tak tak hmanga comment leh post siamtute chu an duhloh thu leh an dem thu an sawi a. Ukil hna chu hna zahawm ‘Noble Profession’ a nih thu tarlangin, hmusit leh diriam taka nawh-chizuar ang leka an Legal Profession an chhuah sak mai chu an rilru a na in pawi an ti takzet tih an tarlang a. Hetiang tih ching te lakah hian MBA chu an ngawi mai mai dawn lo tih pawh tarlangin, MBA hmingin complain thehluh ngei nise an ti tih an tarlang a. Ukil hna leh Ukil te ti hming-chhetute chu Dan anga na taka hrem an nih theih nan a tawp an thleng dawn tih an thuchhuah ah chuan an tarlang bawk.

Comments

Popular News (Last 30 Days)