Ruihhlo laka naupangte himna tur sawiho a ni

National Commission for Protection of Child Rights (NCPCR) leh Mizoram State Commissioon for Protection of Child Rights (MSCPCR) \angkawp buatsaihin nimin khan Ramhlun Indoor Stadium Conference Hall, Aizawl-ah ruihhlo laka naupangte an him theihna tura inrawnkhawmna State Level Consultation neih a ni a.

He hunah hian NCPCR Registrar, Jaganath Pati chuan naupangte khua leh tui \haa chher chhuak turin an naupan laia nun nuam leh zalen an neih a ngai a, naupang tam tak ruihhlo avanga harsatna tawk an awm tak avangin he thil \halo hneh taka dolet turin huamzau zawka inrawnkhawmna buatsaih a \ul ta a ni, a ti.

Sawihona-a tarlan anih danin kum naupang te te, ruihhlo khawih an pung chho hle a, naupang ruihhlo avanga buaite enkawlna hmun, Lifecode-a enkawl te zingah kum 2015 a\ang khan kum 11 leh 15 inkar mipa 39 leh hmeichhia 12 an vaiin 51 an awm tawh a, kum 16 leh 18 inkar naupang enkawl mipa 48 leh hmeichhia 22 an vaiin 70 an awm tawh a ni. Heng ruihhlo in a tihbuai naupangte chanchin zirchianna a\angin kum 8 velah zuk leh hmuam ching \anin kum 13 leh 15 inkar velah chuan ruihhlo hlauhawm zawk Heroin an khawih chho \an tawh \hin a ni.