Latest News

Kum 7 chhungin kangmei vanga kangchhia a tam

Kum 7 kalta (2012-2018) chhung khan kangmeiin Mizoram-a a thil a tihchhiat hlut zawng chu Rs. 47,62,02,461 a ni a, kumin chhunga a tihchhiat hlut zawng chu Rs. 2,47,03,000 a ni.
Fire & Emergency Services Department chhin-chhiah danin kum 2012 a\anga 2018 inkar chhung khan In kang \um 574 leh ramkang \um 788 an chhinchhiah a, kumin thla 2 chhungin In kang 13 leh ramkang \um 25 an chhinchhiah bawk a, heng te hi January-ah In kang 5 leh February-ah 8 bakah ramkang January-ah 9 leh February-ah 16 te a ni.
Hetihlai hian chhinchhiahna a\anga alan danin Kangmei vanga thi hi kum 7 kalta chhung hian mi 27 an awm bawk a, heng te hi kum 2012-ah mi 9, kum 2013-ah mi 3, kum 2014-ah mi 8, kum 2015-ah mi 5 leh kum 2016-ah mi 2 te an ni a. Kum 7 kalta chhung vek hian kangmei vanga hliam mi 58 an awm bawk.
Fire & Emergency Services Department chhinchhiahna a\anga a lan danin kum 2012 kha kangmei vanga thil tihchhiat a tam ber kum a ni a, hemi kum hian In kang 162 leh ramkang \um 114 chhinchhiah a niin kangmei thil tihchhiat hlut zawng hi Rs. 18,60,68,350 hu zet a ni a, hemi kum hian kangmei vanga thi mi 9 leh hliam 16 an awm bawk.
Kum 7 kalta chhunga kangmei vanga bungraw kangral a tlem ber kum chu 2018 a niin hemi kum hian In kang 37 leh ramkang 56 chhinchhiah a ni a, kangmei in In leh bungrua a tihchhiat hlut zawng hi Rs. 9,24,33,637 hu a ni a, thi awm lovin hliam erawh 14 an awm thung. Kumin ah hian kangmei vanga thi leh hliam report an la awm lo bawk.

Comments

Popular News (Last 30 Days)