Latest News

MNF Party in Political Training an nei

MNF East Block, Serchhip chuan Inrinni khan New Serchhip YMA Hall-ah Political Training neiin he hun hmanpuitu Adviser to Chief Minister, C. Lalramzauva chuan Citizenship Amendment Bill do bik riaua insawi chu mipui bumna a nih thu a sawi.
He Political Training-ah hianC. lalramzauva chuan tunhnai maiah CAB 2016 dotute chuan Guwahati-ah hmarchhak huapin All Party Meeting an neih thu leh Chief Minister, Zoramthanga nen an tel ve thu a sawi a. NE-a All Party Meeting-ah hian CAB dona Resolution an pass thu sawiin, “Congress party leh ZNP-te pawhin CAB do ve tho siin, tumah an rawn lang ve lo a, a mak kan ti hle a ni,” a ti a. Guwahati-a media-ten an tel ve loh chhan an zawh pawhin chhan ngaihna an hriat loh thu a sawi a,a sawihona tur taka tel si lova Mizoram chhunga mipuite tichiai zawnga thu an thehdarh chiam chu pawi a tih thu a sawi bawk. He hunah hian MNF General Hqrs. a General Secretary, T. Lalengthanga pawhin thu sawiin Assembly inthlanpui neih zawh takah Serchhip bial-ah MNF Party in hnehna chang lo mah se Serchhip bial chu Chief Minister leh MNF Party chuan an duhsak thu leh an hmangaih thu sawiin, hmasawnna hna te pawh a theih anga thawh zel a nih tur thu a sawi bawk.

Comments

Popular News (Last 30 Days)