Latest News

CADC-a Mizo te harsatna tawh leh Mizote ham\hatna tur MZP leh CADC hotu ten an sawiho

Mizo Zirlai Pawl (MZP) General Hqrs. hruaitute leh Chakma Autonomous Council (CADC) thuneitute chu nimin khan Chawngte 'C' ah an inkawm a, MZP chuan an thil ngaih pawimawh hrang hrang an sawipui a ni.
Nimin-a MZP hruaitute leh CADC hotute inkawmna hunah hian MZP aiawhte hi an President, L. Ramdinliana Renthlei chuan hovin Chakma Autonomous District Council (CADC) a Chakma in hung bikna dan chungchangah Chakma Autonomous District Council (CADC), Chief Executive Member (CEM), Rosik Mohan Chakma chuan CADC area chhungah Chakma te tana inhungbikna dan Chakma nilo in In leh lo, ram an neih theih lohna dan siam a awm lo tih a sawi a. “Chakma nilo pawhin an duha pawisa an neih chuan In leh lo, ram an nei vek thei a, hetiang a inhungbikna dan hi kan nei lo a ni,” a ti a. Dan lova khaw din chungchangah Dan lova khaw din tlem an neih thu sawiin, a tihrem dan tur ngaihtuah ho a nih tur thu a sawi bawk.
MZP in CADC area a Mizo khua te tan Council a\anga development awm thei ang te lo pe-a lo ngaihsak ve tur leh hnathawk tur lak chungchanga Zohnahthlak te duhsak ve tur leh an tling a nih chuan la ve tura an ngen chungchang ah CADC-a CEM chuan CADC hnuaia hnalak a awm chuan a theihna chin chinah MZP hruaitu te ngen angin Zohnahthlak te an lo duhsak tur thu a sawi a. Bangladesh a\anga foreigner lolut ru tam lutuk chungchangah Bangladesh a\anga lo lut foreigner te an awm tih pawh an hriat thu leh an tam leh tamloh erawh an hriat bikloh thu sawiin, “Keini Council thuneitute pawh hian foreigner hi lo lut lo se kan duh hle a, Mizoram Sawrkar te nen \angkawp in foreigner te dapchhuah kawngah hma kan la ho zel dawn a nia,” a ti a. Heng bakah hian CADC area-a Mizo missionary ten harsatna leh enhran an tawh chungchang pawh an sawiho bawk. Chawngte-a kal MZP hruaitute hian CADC area chhunga Zohnahthlak khaw hrang hrang te fangkualin an dinhmun te an zirchiang nghal dawn bawk a ni.

Comments

Popular News (Last 30 Days)