India ram khawpui fai inelna neih ah Mizoram a\angin khaw 3 in lawmman dawng

India ramin faina kawnga hma a sawn theihna tura hmalakna chikhat, khawpui Fai inelna, Swachh Surveksan neih ah khawpui fai thlanchhuah te hnenah lawmman sem a ni leh ta a. Kumin hian Mizoram a\angin khawpui te (Small City) ah khaw pathum chuan lawmman an dawng a ni.

Faina kawnga India ramin hma a sawn zel theihnan a kumtin faina kawnga khawpui hrang hrangte inelna thianghlim ‘Swachh Survekshan’ neiha lawmman hi kumin atan semchhuah ni leh tawhin kumin hian Mizoram a\angin lawmman dawng thei khaw pathum (3) an awm a. Mizoram khawpui te (small city) zingah Champhai in ‘Cleanest City’ Award a dawng a, Lunglei in ‘Best City in Innovation & Best Practices’ Award leh Vairengte in ‘Best City in Solid Waste Management’ Award an dawng a ni. He lawmman semna hi nimin khan Vigyan Bhavan, New Delhi-ah neih a ni a, Mizoram a\angin sawrkar mi pawimawh ten an dawng a ni.

Kum 2016 atang khan Faina kawnga India khawpui hrang hrangte inelna, Swachh Survekshan hi Ministry of Housing and Urban Affairs hnuaiah kalpui a lo ni tawh \hin a. Mizoram-ah pawh Swachh Bharat Mission (Urban) hi Urban Development and Poverty Alleviation Department hmalakna lian tak pakhat a ni. He inelnaah hian India ram pum hi Zone nga (5) ah \hen a ni a, North East Zone bik hi, mi cheng tam dan a zirin category hrang hrangah \hen a ni leh a, Mizoram khawpui tam zawk hi khawpui tenau Category-ah dah an ni a. He Award hian Memento leh Citation a keng tel a ni.

India ram khawpui fai inelna, Swachh Survekshan hi khawvel faina inelna lian ber niin khawpui 4237 lai an telin, mihring vbc. 40 chuang telna inelna a ni a, Mizoram khawpui 23 te an tel vek a ni. Kum 2016 khan khawpui fai inelna ah Aizawl chu khawpui 73 zingah 43-na niin, kum 2017 khan ‘Fastest Moving City’ Award in the North East Zone’ a lo la tawh bawk a. Kum 2018 Swachh Survekshan ah Biate khuain “Best City in Innovations” in the North East Zone Award a lo dawng tawh bawk a ni.