Assembly \hutkhawm chhunzawm a ni leh dawn

Mizoram Legislative Assembly Budget Session neih mek chu Vawiin hian chhunzawm a ni leh dawn a, Vawiin ah Dan thar siamna tur Bill putluh a ni ang.
Mizoram Legislative Assembly Budget Session hi Inrinni leh Pathianni te chawlh a nih hnuah Vawiin chawhma dar 10:30 hian chhunzawm a ni leh dawn a, he \hutkhawm ah hian Chief Minister, Zoramthanga chuan 'The Mizoram Maintenance of Household Registers Bill, 2019' chu Assembly pawmpui turin a chhawpchhuak ang.
He Dan siam tura duan hi Mizoram puma chhungkaw tin, India khua leh tui, Mizoram mi dik tak chhinchhiahna tur a ni a. Official \henkhat chuan hei hi ramdangmi hriat hran theihna atana \angkai tak tur leh Mizo hnam humhalhna atana pawimawh tak tur niin an sawi a. Hei mai bakah hian chhungkaw tinin sawrkar a\anga \anpuina a lo dawn tawh dan emaw, an la dawn loh thu emaw chhinchhiahna a ni dawn a ni.
Hei bakah hian Chief Minister, Zoram-thanga hian MLA an party uiresan te ban theihna dan siam\hatna 'The Mizoram State Legislature Members (Removal of Disqualification) (Amendment) Bill, 2019' chu a pulut bawk ang. 
Vawiin a \hukhawm ah hian Home Minister, Lalchamliana chuan 'The Mizoram Essential Service Maintenance (Amendment) Bill, 2019' a pulut ang a. Forest Department leh Transport Department changtu Minister, T.J. Lalnuntluanga chuan 'The Mizoram Forest Act (Amendment) Bill, 2019' leh 'The Mizoram Motor Vehicles (Taxation) (Amendment) Bill, 2019' te a pulut bawk ang. A hnuhnung zawk hi kum 15 atana lirthei chhiah (Road tax) pek ngai \hin siam\ha a lirthei neitu duhthlanna anga pek theih tura ruahmanna thar a nih rin a ni.

Comments

Popular posts from this blog

PAN CARD an tih teh fo hi - Laldinpuia